Header
Home>Entertainment

 

 

 

 

Bollywood Actresses

Here we are introducing you all the great and talented actresses, who worked very well in Bollywood film industry. Priyanka Chopra, Shruti Hassan, Sophie Chaudhary , Deepal Shaw, Madhuri Dixit, Juhi Chawla, Sridevi, Vaijayanti Mala and Surraiya, they all worked in the Indian films as an actress, and they worked as a singer. They all are very charming and talented actresses in the Bollywood film industry. Priyanka Chopra, Shruti Hassan, Deepal Shaw and Sofiya, they are still performing as a singer also. In this page, you can see about Bollywood Actresses Latest News.

Bollywood Actresses Latest News

Guzishta waqton mein jab koi bhi shakhs koi profession apnana chahta tha to wo apne shauq ki takmeel ke liye is had tak involve ho jata tha. Ke ise siwae is ke kuch aur nazar he na aata tha. Past ki film industry par agar nazar daurhai to yehi lagta hai ke har aik apne kaam ke sath mukhlis hai. Agar koi singer hai to us ki sari tawajja isi taraf hai aur agar koi acting ko profession banana chahta hai to wo usi taraf he laga rehta hai. Yehi wajah hai ke past mein jis jis ne apni field mein lagan aur mehnat se kaam kiya wo amar ho gaya. Bohat kam actresses aesi thin jo acting ke sath singing bhi karti thin. Lekin aaj showbiz mein is se bilkul mukhtalif soortehal hai. Aaj kal har actress singer bhi hai, model bhi hai aur anchor bhi hai. Yahan hum Bollywood ki un chand heroin’s ka zikar kar rahe hain jo acting ke sath sath singing bhi barhi kamiyabi se sambhale hue hain.

Priyanka Chopra:

Priyanka Chopra Photo

Priyanka Chopra ne behtreen aur super hit films mein kaam kar ke khud ko Bollywood ki aik kamiyab aur manjhi hui actress sabit kiya hai. Lekin sath he is ne apne dosre shauq singing mein bhi khud ko aehal sabit kiya hai. Darasal songs ka shauq Priyanka ko apne walid ki wajah se hua jo aik abhe singers mane jate hain. Isi liye wo chahte the ke Priyanka bhi acting ke bajae singing ki taraf ziyada tawajja de. Lekin wo pehle khud ko aik kamiyab actress sabit karna chahti thi. Is ke bad wo singing ke meydan mein khud ko manwana chahti thi. Priyanka ne pehli baar 2002 mein aik tamil film Thamizhan ke liye gaya. Bollywood mein is ne apni film karam mein aik gana gaya tanka tanka gaya jise sun kar audience aur dosre logon ko yeh aehsaas hua ke wok hush shakal hone ke sath sath khush gulo bhi hai. Apni bepanah filmy masrofiyat ki bina par singing is par ziyada tawajja na de saki. Lekin waqtan fawaqtan wo apne shauq ka izhaar karti rahi. Aik TV program Sa Re Ga Ma mein bhi inho ne singing ki. Priyanka ne apni pehli studio album ke liye universal music group ke sath aik muaaeyda bhi kiya. July 2012 mein Priyanka Bollywood ki wo pehli actress thi. Jis ne creative artist agency ke sath singing ka aik muaaeyda kiya. Benulaqwami satah par is agency ke tehat banai jane wali video In My City Priyanka ka pehla baqaiyda song tha. Jis ki pazeerai har jagah hui. Apne sakht filmy schedule mein is ke liye baqaiyda singing karna to mushkil he hai. Lekin apne shauq ki takmeel beharhaal wo kisi na kisi tarha karti rehti hai.

Shruti Hassan:

Shurti Hassan Photo

Producer, director aur actor Kamal Hassan ki beti Shruti Hassan ne showbiz mein apne career ka aaghaz singing se he kiya tha. Sirf 6 years ki umer mein is ne apne walid ki film Thevar Magan ke liye song gaya. Jab ke Bollywood mein is ki singing ka aaghaz Kamal Hassan he ki film Chachi 42 se hua, jis mein Shruti ne khud bhi kaam kiya tha. Film Hey Raam mein Shruti ne pehli bar mukhtasir role kiya. Bataur heroin in ki pehli film Sanjay Dutt aur Imraan Khan ke sath thi. Shruti ko bataur actress ke bhi logon ne pasand kiya, lekin in ka apna shauq films se ziyada singing ki taraf he raha aura b bhi wo apni nae album ki tayyariyon mein masroof hain.

Sophie Chaudhary:

Sophie Chaudhary Photo

Model, anchor, actress aur singer Sophie Chaudhary ne showbiz mein aane ke liye sab se pehle jis field ko chuna wo singing he thi. Sirf 12 years ki umer mein he music director badu ne is ka talent dekhte hue ise music industry mein mutarrif karwaya aur Sophie ne Shamita Shetty aur Alisha Chunai ke sath play back singer ke taur par start liya. Bohat jald 2000 mein is ne chand larkiyon par mushtamil apna aik pop band banaya, jis ka naam sansara tha. Is band ke liye gane bhi wo khud he likhti thi. Sophie solo singer ke taur par apni pehchan banana chahti thi. Is ki videos Habibi aur Le Le Mera DIl solo singers ke taur par khasi hit hui thi. Mumbai shift hone ke bad inho ne M TV India ki VJ ke taur par kaam kiya. In kea b tak release hone wale albums mein sofiya aur Dr. Lobey Belo aur sound of Sofiya shamil hain.

Deepal Shaw:

Deepal Shaw Photo

Deepal Shaw ne apne career ka aaghaz bataur model kiya tha. Lekin dosri bohat si nae aane wali larkiyon ki tarah Deepal bhi showbiz ke har meydan mein utarna chahti thi. Is liye inho ne modeling ke bad singing bhi ki aur acting bhi. 2004 mein is ki pehli album Baby Doll ke naam se release se hui. Baby Doll Deepal ka pet name bhi hai. Is album ke hit ho jane ke baad Deepal ne Baby Doll 2 ke naam se apni dosri album release ki. Is album mein ziyada tar purane hindi songs ke remix shamil the. Jis mein kabhi aar kabhi paar aur rangeela rey sab se ziyada hit hue. Aaj kal Deepal Shaw M TV India ke sath apna music plan bana rahi hai.

Madhuri Dixit:

Madhuri Dixit Photo

Madhuri Dixit Indian film industry ki wo actress hain jis ke barey mein agar yeh kaha jaey ke wo aai, unho ne dekha aur fatah kar liya to kuch ghalar na hoga. Wo na sird aik behtreen actress hai, bal ke perfect dancer bhi hain. Is waqt industry mein koi aesi actress nahi jo dance mein in ka muqabla kar sake. Lekin apni film Devdas ki making ke dauran andaza hua ke agar koshish kare to achi singer bhi ban sakti hain aur is film ke director Sanjay Leela Bansali ke behad israar par Madhuri ne singer Krishna Morti ke sath film ka aik song Kahe Cher Mohey gaya. Yeh gana sunne ke bad logon ko yeh ehsaas hua ke wo aik achi actress aur dancer hone ke sath sath achi singer bhi ban sakti hain. Madhuri ka yeh shauq us waqt bhi samne aaya, Jab TV ka aik reality show Jhalak Dikhlaja ke ibtedai program mein inho ne Amitabh Bachan ki aik film ka gana Kabhi Kabhi gaya. Madhuri ke kehna hai ke mauseeqi is ke andar rachi basi hai aur isi liye gahe bagahe wo mukhtalif zariyon se apne shauq ki taskeen hasil karti rehti hain.

Juhi Chawla:

Juhi Chaula Photo

Juhi Chawla industry ki aik aesi actress hain, jin ke credit par kamiyab films ki tadad go ke kamahi, lekin wo jab jab bhi kisi film mein aai apni performance se audience ko mutasir kar gai hain. Dosri aur actresses ki tarha Juhi ko bhi mauseeqi se khasa shaghuf hai aur inho ne classical singing ki baqaiyda tarbiyat bhi hasil ki hai. Barhi screen par pehli bar inho ne Big B Amitabh Bachan ke sath Bhootnath ke liye gaya, chlo jane do ab choro b. yeh song Amitabh ke sath Juhi ki awaz mein bohat hit hua. Is ke bad inho ne aik Punjabi film mein singer aur actor Gurdas Maan ke sath Punjabi song gaya. Juhi ki ab sari tawajja singing ki taraf hai aur bohat jald wo apni album release karne wali hai.

Sridevi:

Sridevi Photo

Sridevi 80 aur 90 ki dehaai ki Bollywood ki No.1 actress, jis ki naqal in ke bad aane wali kae actresses ne ki. Lekin is ke maqam tak koi bhi na pohanch saki. Sridevi ne kam o besh har qisam ke kirdar kar ke khud ko versatile actress sabit kiya. South ki is actress mein aik achi singer bhi thi. Lekin apne bepanah sakht film schedule mein is ke liye singing ke liye waqt nikalna hamesha mushkil he raha. Lekin apne pore filmy career mein inho ne on screen 2 baar he sing kiya. Pehli bar film Sadma ka gana actor Kamal Hassan ke sath aik jingle tha aur dosri bar Yash Chopra ki film Chandni ke liye O Meri Chandni gaya.

Vaijayanti Mala:

Vaijayanti Mala Photo

50 ki dehaai ki haseen sahira actress Vaijayanti Malako bhi singing ka behad shauq tha. Lekin in ki pehli tarjeeh in ka acting career tha. Wo apni sari tawajja sirf films par he markooz rakhna chahti thin. Is liye shadid khuwahish ke bawajood wo apne is shauq ki takmeel gunguna kar he karti rehti thin. Vaijayanti Malako acting ke sath sath Bharti Natim raqs par bhi mukammal aboor hasil tha. Vaijayanti Malane apni 2 films mein aik aik song bhi gaya. In ki pehli film bataur singer Sangam thi. Jis mein inho ne Bol Radha Bol gana gaya. Jab ke in ki dosri film aik Bengali film thi. Is mein bhi Vaijayanti Malane aik Bengali gana gaya.

Surraiya:

Suriya Actress Photo

40 ki dehai ki actress Surraiya film ki aesi actress guzri hain, jin ko acting ke sath singing mein bhi bapanah maqboliyat hasil hui. Azeem mausiqar naushad ne jab pehli bar all India radio par Surraiya ki awaz suni to unho ne usi waqt faisla kar liya ke wo inhe aik bar apni kisi film mein gane ka chance zaror denge. 13 years ki umer mein Surraiya ne films mein acting k sath singing shuru ki. Mausiqar naushad ne in ke liye 51 songs compose kiye. Jis mein film Dillagi, Dard, Dastaan, aur Anmol Ghari ke gane bepanah maqbol hain.

 

 

 

 

Copy Right 2012-2014 www.Meriduniya11.com