Header
Home>Entertainment  

 

 

 

 

Adah Sharma

Adah Sharma was born on 11th May 1989 in Mumbai. She is 23 years old. Adah Sharma works in bollywood film industry. She started her career from Vikram Bhatt’s movie 1920 in 2008. Her coming film is "Hum Hai Raahi Car Ke" with Dev Goel, Sanjay Dutt, Juhi Chawla, Anupam Kher and Chinky Pandey. Is will be release on May 2013. She is very attractive and charming actress. In this page you will see the information about the new glamorous actress Adah Sharma Latest News In Urdu and Roman Hindi.

Adah Sharma Ki Nai Film " Hum Hain Raahi Car Ke"

Release Ho Chuki Hai

Bollywood Actress Ada Sharma Photo

Bollywood actress Adah Sharma ki nai comedy film "Hum Hain Raahi Car Ke" ka trailer release kar diya gaya hai. Adah Sharma ka kehna hai ke film "Hum hain Rahi Car Ke"mein leading lady role mila hai. Comedy aur action film mein Sanjay Dutt aur Juhi Chawla ne bhi aeham kirdar nibhaya hai. Adah Sharma ka kehna hai ke pehle jo role kiye wo mukhtasir the. Un mein South ki kuch films mein mukammal kaam kiya hai. Adah ne kaha ke comedy role ke liye aik alag andaz aur shakhsiyat ki bhi zaroorat hoti hai aur film mein bharpor comedy ke zariye viewers ko lutf andoz hone ka aehtemam kiya gaya hai. Adah ne bataya ke Sanjay Dutt ne umdah perform kiya hai, un se bohat kuch seekhne ko mila hai. Adah ne bataya ke is film mein aik nae chehre ko bhi mutarif karaya gaya hai. Dev Goel ko intehai aeham task diya gaya hai. Jis ko unho ne barhi mehnat aur feham se pora karne ki koshish ki hai. Director Jyotin Goel ki is film ki kahani jandar hai. Anupam Kher ki performance bhi yadagr hai.

Wazeh rah eke film ki takmeel ke sath he is ki tasheeri mohim ka bhi aaghaz kar diya gaya hai. Chinki Pandey ko aik mukhtalif andaz mein dekha ja sakega. Film ko rawan saal May mein Cinemas ki zeenat banaya jaega. Yeh film Mumbai se Pune ka new year night ke liye safar karne wale 2 doston ki kahani hai. Jo jorhon mein tabdeel ho kar 4 ho jate hain. Aur dono couples ko pyar ho jata hai. Aik yadgar safar ki kahani hai, jo zindagi ka naya rukh ikhteyar kar leti hai. Is mein mazah aur sharartein hain aur waqeaati husun bhi kahani ko char chand laga deta hai. Film ki pori team ne barhi mehnat aur lagan se kaam kar ke film ki takmeel mein aeham kirdar nibhaya hai. Adaa Sharma ke kehna hai ke chehron par muskurahat lane ke liye bohat mehnat karni parhti hai. Aur yeh kaam koi easy nahi hota hai. Adah ne bataya ke aane wali films mein bhiaehma kirdar mile hain. Rawan saal mazeed 2 films release ho kar cinemas ki zeenat banengi. In mein aik Telugu ki aur dosri Hindi mein hai. Adah ne kaha ke Juhi Chawla ke sath kaam kar ke bohat acha laga. Sanjay Dutt ne bhi har tarha se film mein mera khayal rakha aur kisi marhale par bhi ajnabiyat mehsoos nahi hui. Pori team ne aik family ki tarha kaam kiya aur film ke sath sath is ki shooting ko bhi yadgar bana diya hai. Adah ne kaha aaiynda bhi comedy role milne par khushi ho gi. Adah ne kaha ke zindagi ke nasheb o faraz mein mustaqil mizaj rahi hoon aur buland hausley se apni manzil ki taraf safar jari rakha hai. Kabhi kisi waqeya par ziyada dil bardashta nahi hui. Film industry mein aa kar khud ko ziyada mehfooz samajhti hoon. Apne kaam mein nikhar lane ke liye koshan rahongi.

11 May 1989 ko Mumbai mein peyda hui. Adah Sharma ne 2008 mein release hone wali film "1920" mein kaam kar ke filmy career ka aaghaz kiya. Is film mein Adah Sharma ki best performance par bollywood naqadon ne Adah ko future ki barhi star qarar diya hai. Un ka kehna hai ke Adah Sharma ne apni performance se sabit kar diya hai ke wo future ke barhe challenges ka muqabla karne ki salahiyat rakhti hain aur mega star ke sath kaam kar ke in mein apni shanakht banana mein kamiyab rahengi. Unho ne kaha ke Adah ki adaoon ne viewers ko apna dewana bana liya hai. In ki aane wali films se bohat achi aur barhi tawaqquat wabista ki ja sakti hain. Adah ne intehai mukhtasir waqt mein bollywood mein apni performance ke baiys apni maujodgi ka ehsaas dilaya hai. Aur unhe nazar andaz karna mumkin nahi raha. Bollywood mein aane wali films mein in ka intezar hai. Nae comedy film Hum Hain Raahi Car Ke se bhi bohat umeeden rakhi ja sakti hain. Mumtaz filmy naqad Tarun ne kaha hai ke Adah Sharma ka kaam qabil e tareef hai. In ki performance ne mutasir kiya hai. In ki pehli Hindi film mein performance shandar rahi hai. Times of India ki sahafi Nighat Kazmi ne kaha hai ke Adah Sharma ko acting ke shobey mein intehai kamal hasil hai. In ki acting ko dekh kar inhe mukammal actress tasleem karna parhega.unho ne kaha ke Adah Sharma ki nae film bhi umeed hai bohat achi sabit ho gi.


 

 

 

More Links

 

Copy Right 2012-2015 www.Meriduniya11.com