Header
Home>> Articles  

 

 

 

 

Venice City

Venice is a City of Italy. It is a small island who separated by canal and link by bridges. Venice has a natural beauty. It has 16 lac populations. Venice city is known for its beauty, architecture and its art works. Venice name derived by the ancient Venetian people, who inhabited the region by the 10th Century AD. Venice known as the Queen of Adriatic, City of water, City of Masks, City of Bridges, City of Canal, The Floating City. Venice is a very Romantic city. It was a important center of Commerce especially Silk, Spices and Grain. In this page you can see the information and history about Venice City In Urdu.

Khoobsurat Shahar Venice

Venice City Image

Aap ne Shakespeare ki story “ Venice ka Saudagar ” to zaror parhi ho gi. Jis mein aik aise Saudagar ki kahani beyan ki gai hai jo apne dost ki khuwahish pori karne ki khatir apne jaan par kheyl jata hai. Lekin Venice koi farzi shehar nahi jise mehaz kisi kahani mein beyan kiya gaya ho bal ke yeh haqeeqi maeyno mein aik jeeta jagta aur heart angez city hai. Yeh diyomalai shehron jaisa city Italy mein waqey hai. Jis ke qudrati husun aur anokhe pan ki aik duniya gawah hai. Venice City shumal mashriqi Italy mein aik samandari khari ke becho bech waqeya hai. Ise tilasmati aur jadooi shehar bhi kaha jata hai. Aur is ke pas manzar mein kae kahani likhi ja chuki hain aur films banai ja chuki hain. Kitni heyrat ki baat hai ke Venice City aik aisa shehar hai jis mein roads ki jagah nehren aur garhiyon ki jagah ships chalti hain. Kyun key eh samandari khari ke becho bech tamer kiya gaya hai. Jis mein mukhtalif areas aur parts ko pallo ke zariye aik dosre se munsalik kiya gaya hai. Jab ke shahar ke mukhtalif areas mein safar ke liye ships ko istemal kiya jata hai. Jis tarha Lahore shehar mein aik nehar behti hai. Isi tarha Venice City mein senkaron nehren behti hain aur roads ka koye wajood nahi kyun ke nehrein he roads ka kaam karti hain.

Venice city apne mehle waqoo, apne Architecture aur art ki wajah se bhi duniya bhar mein jana jata hai. 2009 ke aedad o shumar ke mutabiq is shehar ke markazi hisse mein lagbhag 2.45 lakh nafoos rehte hain, jab ke aas paas ke areas aur mazafat ko mila kar is ki population 16 lakh se ziyada ho gi. Venice ki Wajah Tismiya : Venice ka naam is ke qadeem “ Vanity ” bashindo se akhaz kiya gaya hai. Jo 10 century qabal az maseeh mein wahan par aabad the. Tarikhi taur par bhi yeh city riyasat Venice ka sadar maqam tha. Riyasat Venice zamana wasti ki aik barhi behri taqat thi aur in areas mein se aik thi. Jahan se salebi wars ka aaghaz hua tha. Yeh apne zamane ka aik aeham tijarti markaz tha. Jahan resham, anaaj aur masalon ki tijarat hoti thi. In tamam khusosiyat ki wajah se tareekh ke ziyada tar adwaar mein Venice aik daulatmand shehar raha tha. Venice ke ilawa is city ko aur bhi naamon se jana jata hai. Jo is ke pyar ke naam hain jaise Adriatic ki Malka, Paniyon ka Shehar, Naqabon ka Shehar, Pallo ka Shehar, Teyrta Shehar, Nehron ka Shehar waghera. Newyork times ki aik report mein is shehar ke barey mein kaha gaya hai key eh bilashuba insane tareekh ka khoobsurat tareen shehar (beautyful city) hai. Ise Europe ka sab se romantic city bhi kaha jata hai.

Venice ka aisa koi tareekhi record maujood nahi jo humein baraherast aagahi farahum karta ho ke Venice city ka qiyam kab aur kaise amal mein aya. Tahum dastiyab riwayat aur shawahid se mutadid maurikh is natijey par pohanchte hain ke Venice ki real population mukhtalif Roman shehron jaise Padua, Treviso, Aquileia, Altino, Concordia aur deegar difaa se mehroom dehati areas ke muhajiron par mushtamil thi jo German aur Hun hamla aawaron se jaan bachane ke liye wahan se farar ho rahe the.bad ke kuch Roman zaraey ke mutabiq Venice ke real daldali island par kuch he mahigeeron ka bhi pata chalta hai

Venice City ke Famous Maqamat Aur Tafrihaat :

Agar aap Venice City ki siyahat ko janna chahte hain ya Venice city ke barey mein waise he maloomat hasil karna chahte hain to hum aap ko is ke chand maqamaat ke barey mein batate hain, jin ki seyr ko jae bina Venice ki siyahat adhori rehti hai.

St. Mark Square, Italian language mein is ka pora naam hai Di San Marco Piazza.

St. Marks Basilica yeh Venice ka famous Girja ghar hai.

Bridge of Sigh yeh bridge Doges Palace ko Rudi Plaza ke qaid khano se milata hai.

Grand Canal yeh Venice city ki markazi nehar hai aur water traffic ka zariya hai.

Doges Palace jo aik zamane mein Venice ki hukmarani ka markaz tha.

Rialto bridge yeh San Marko aur San Polo ke azlaa ke darmiyan grand canal ko paar karne ka wahid zariya hai.

Gondola yeh Venice mein aik qisam ki kashtiyan hain jo kisi zamane mein Transpory ka aeham zariya thin.

St. Marks Campanile yeh Venice ka ghanta ghar hai aur city ki famous tarin building bhi hai.

Riva Degli Schiavone yeh bhi shehar ka ik maroof aabi tafreeh maqam hai.

Santa Maria Della Salute Venice ka famous tareen structure hai.

Zattere yeh bhi aik tafreeh maqam hai.

Arsenale yeh apne urooj ke zamane mein duniya ka sab se barha ship yard tha.

Ca’ d’Oro yeh aik khobsurat building hai jis ke laghwi maeyne hain “ Gold House ”. Teatro La Fenice yeh Europe ka famous tareen Opera House hai.

Museo Storico Navale yeh shehar ka behri ajaiyb ghar hai.

Santi Giovanni e Paolo yeh aik Church hai aur ise English mein “ Church of Senates John and Paul ” bhi kaha jata hai. Yahan par mukhtalif mazahib ki kae aeham shakhsiyat madfoon hain, jis ki wajah se ise Pantheon Of Venice yani Venice ki ijtemai ibadatgaah bhi kehte hain.

Abida Perveen Taj Mehal Exersice Tips

 

 

 

 

More Links

Sadhu Bela Temple

Husn e Akhlaq

Hakeem Saeed

Importance of Water

Jahez Ki Lanat

Purani Film

Aurat Par Tashadud

Qurbani

 

Copy Right 2012-2014 www.Meriduniya11.com Contact Us