Header
Home>> Articles  

 

 

 

 

                  Valentine day                       

Valentine day is day of expressing love. In eastern culture, there is no concept of valentine day it is a culture of west and every one now aware of the story of valentine day. In eastern areas, people think that valentine is a day in which a man woman or girl boy expresses their love for each other, for this kind of thinking elders do not like valentine day but in west, this concept is changing now. They think that valentine is a day to express love to your parents, husband, wife, brother, sister, friends and those people whom you love. In this page, You will read an Article Valentine day. Here we are giving some massages that you can share to your love ones and wish them valentine day in a surprising way.

Happy Valentine Day (Mohabbat Ka Din)

14 February Valentine day manane ki riwayat humare han maghrib se aai hai aur is ke peche jo kahani hai us se taqreban har shakhs agah ho chukka hai. lekin aik cheiz jis se hum agah nahi hain ya phir shayed jis ki taraf hum ne tawajah nahi di wo ye hai ke maghrib mein ab Valentine day manane ka tasawor tabdeel ho chukka hai. Humare han maghrib se aaya howa wohi tasawor ab tak raij hai ke Valentine day darhaqiqat mohabbat karne wale mardon aur uraton ya larke larkiyon ke darmiyan tajdid e ahed e wafa ya izhar e mohabbat ka din hai. isi tasawor ki bina par humare han Valentine day ki mukhalfat bhi hoti hai aur ese behayai ke izhar ka aik zarya samajh kar un logon par lan tan bhi ki jati hai jo is din ki mohabbat se kuch muhabat bhari sargarmiyon mein hissa lete hain aur ese aik tehwar ki tarah manane ki koshish karte hain. Haqiqat ye hai ke maghrib mein ab Valentine day ke tasawor ko bohat wosat de di gai hai aur ese ziyadah bamaqsad banana ki koshish ki ja rahi hai. wahan is khayal ko riwaj diya jar aha hai ke is roz sirf mehbob aur mehboba ka aik dosre ke leye apne jazbat ka izhar ya ehde wafa ki tajdid zarori nahi balke aik beta apni maa ke leye bhi apne piyar o aaqidat ka izhar kar sakta hai. Aik beti apne bap ke leye bhi apne jazbaat ka izhar kar sakti hai, aik dost dosre dost ko apne kholos ka yaqeen bhi dila sakta hai, aik shohar apni rothi hoi biwi ko manane ki koshish bhi kar sakta hai aur usse bata sakta hai ke wo haqiqat mein us se kitni mohabbat karta hai.

Rishte nate mohabbat hi se bante hain, har rishte ki bunyad mohabbat par hi hoti hai, mohabbat aur kholos se hi rishte parwan charhte hain. Jab mohabbat ki jagah shikwe shikayatein aur badgumaniyan janam leti hain to rishte naton mein dararein parne lagti hain, do insanon ke darmiyan khalij paida hone lagti hai. Valentine day darhaqiqat essi khalij ko patne aur rishte naton ko mazbot banane ka aik bohat acha zarya aur sahi mainon mein aik tehwar sabit ho sakta hai. Jis tarah hum apne tahwar Eid ke bare mein kehte hain ke is roz jab do afrad aik dosre se gale milte hain to sare gile dor ho jate hain. Hata ke aap Valentine day par bhi Eid ki tarah sirf apne doston, walden, asatzah, parosiyon, bhai, behanon aur sharik e hayat ko hi apni mohabbat aur kholos ka yaqen na dilayein balke masher ke mehrom aur pise howae tabqat ke afrad ko bhi kisi pegham, kisi card ke zarye ya khud un ke pas ja kar apni zaban se bhi apne jazbaat aur apne kholos se agah kar sakte hain, unhein bata sakte hain ke aap ko un ke masail ka ahsas hai aap hasb e maqdor un ke dukh dard aur khushyon mein sharik hone ke leye taiyar hain. Ye bhi aik qism ka izhar e mohabbat hai.

maghrib ne velentine day ko jo wosat di hai, wo asal mein to mashriqi mashre ka taqaza tha. Agar humein Valentine day ko apnana hi hai to ese aur ziyadah wosat deni chaheye aur is ke tasawor ko mazid bamaqsad banana chaheye. Malom nahi ke humare han kisi ke kan par jun raangi ya nahi, lekin chalye ye bhi khushi ki baat hai ke maghribi mashre ko hi ye khayal agaya. Achi baat ya acha kaam koi bhi kare usse sarahna chaheye. Is tabdili ka izhar mukhtalif maghribi mumalik mein velentine day ke moqe par bheje jane wale cards se hota hai. In cards par darj prghamat ab mehaz larka larki ke muhabat bhare jazbaat ya ahde wafa ki tajdid tak mehdod nahi rahe. Namone ke tor par chand khayal angez peghamaat mulahiza farmaye.

Happy Valentine Day Shayari Urdu Shayari:

meri zindagi, meri khushi meri chahat hain maa bap

merye dukhon mein jo aik pal mein tarap uthte hain

meri har mushkil par jin ki aankhein ho jati hain ashkbar

meri zindagi ka hasil, mere dukh sukh ke sathi

meri kaamyabiyon ke talib

mere leye duago mere maa bap.

Happy Valentine Day Shayari In Urdu:

Tum roth jao mujh se, esa kabhi na ho

main ak nazar ko tarson, esa kabhi na ho

main poch poch haron, tum kush bhi na batao

main so sawal kar lon, tum ak jawab na do

esa kabhi na ho, esa kabhi na ho

thora se main jononi, thora sa mainhun jazbati

tum choti choti baatein dil se laga betho

mujh se bichar ke ji lo esa kabhi na ho.

Happy Valentine Day Shayari In Hindi:

muhabat dar asal ye janne ka naam hai

ke kahein mujod hai koi

jo sunta hai tumhari baat puri tawajah se

tumhari khobiyon aur khamiyon samet

tumhen apna samajhta hai, wohi tumhara apna hai.

Happy Valentine Day Shayari:

meri zindagi banane mein aap ka bara hissa

aap ne sikhaya hai jene ka qarena

mujhe aap se muhabat, hai bepanah aaqedat hai

aaj main jo kuch bhi hun, aap ki badolat hun

har khushi ke moqe par yad aap aate hain

Happy Valentine Day:

Kisi rothe howae dost ko yun pegham irsal kar sakte hain:

Ye baat aham nahi, kitne mukhtalif hain hum

yad wo baatein karo, jin par mutafiq the hum

kitni mehfilen hum ne mazi mein sajayein hain

jin se apne jewan mein ronaqein si aayi thein

aaj phir usi janib lotne ka din aaya.

Happy Valentine day.
      

Abida Perveen Taj Mehal Exersice Tips

 

 

 

 

More Links

Sadhu Bela Temple

CNN Heroes 2013

Venice City

Importance of Water

Jahez Ki Lanat

Purani Film

Aurat Par Tashadud

Qurbani

 

Copy Right 2012-2014 www.Meriduniya11.com Contact Us