Header
Home>> Articles >>  

 

 

 

 

Teacher Behavior (Ustad Ka Kirdar)

Teacher play’s a very important and significant role in Student life. Teacher have also play parental roles in student life. Teacher have motivate and encourage the student. In this Page you will read a article Ustad Ka Kirdar ( Teacher Behavior) in Urdu and Roman Urdu.

Ustad Ka Kirdar

Ustad Ka Kirdar Image in Urdu

Badqismati se hum jis muaashrey mein saans le rahe hain, us mein shara khuwandagi kam hone ki wajah se muhazzib iqdaar ki kami hai aur gher muhazzib iqdaar ko farogh mil raha hai. Kehte hain ke aik bache ki taleem-o-tarbiyat karne mein us ke waldain ke baad agar kisi ka aeham kirdar hota hai to wo hai ustad ka kirdar. Ustad ke kandhon par mustaqbil ke meymaron ko khushgawar mahaul mein taleem aur tarbiyat faraham karne ki bohat barhi zimedari aaiyd hoti hai.

Ab chahe wo deeni taleem ho ya dunyawi, dono he surton mein aik ustaad talib-e-ilmon (student) ko ilm faraham kar raha hota hai. Is liye is aeham fareezey ko sar anjaam dene mein ustad ke kirdar aur ikhlaq ko bhi barhi aehmiyat hasil hoti hai. Agar ustaad shafeeq hota hai to wo apne talib-e-ilmon (students) ko bhi nehayat shafqat se parhata hai aur jahan talib-e-ilmon ki ikhlaqi tarbiyat ka sawal aata hai, wahan un ko munasib tareeqey se ikhlaqi tarbiyat bhi deta hai. Lekin agar yehi ustaad insaniyat se aari aur ikhlaq ke darjey se gir jata hai, to wo apne talib-e-ilmon ke sath wo kuch kar guzarta hai , jis ka tasawwur karte he rongtey khare ho jate hain. Sawal yeh peyda hota hai kya aik ustaad ko yeh haq hai ke wo apne shagird ki kisi kotahi par is darjey ka bahemana tashadud kare ke us ka bechara shagird ( bechara Student) ya to zindagi bhar ke liye mazoor ho jae ya phir zindagi ki bazi he haar jae.

Hamare mulk mein taleem dene ka jo farsoodah tareeqa hai. Yeh us ki shakhsana hai ke aae din aesi khabren Media ki zeenat banti hain, ke ustaad ke bepanah tashaddud ke baiys shagird ka jism zakhmon se chor chor ho gaya ya phir bache ne ustaad ke rawaiyye se dil bardashta ho kar khudkashi kar li. Kya deen Islam humen yehi taleem deta hai, ke mustaqbil ke meymaron se is tarha pesh aya jae. Ke unhe maar maar kar adhmua kar diya jae. Kya us ustaad ko yeh nahi maloom ke hamara aman-o-aashti ka mazhab hai. Ikhlaqiyat aur insaniyat ka mazhab hai. Mohabbat aur rawadari ka mazhab hai. Hamare deen mein sakhti aur jabar ki gunjaiysh nahi. Agar qaum ke bachon ko madarson mein is qisam ke ustaadon se deeni taleem dilwai jaegi to kya wo bache deeni taleem ke qareeb honge. Na sirf madaris bal ke schools mein bhi bachon par tashaddud kiya ja raha hai. Aik do nahi kae waqeaat manzar-e-aam par aa chuke hain. Ustad ke talba par tashadud ne insani aur ikhlaqi qadron par kae sawal uthae hain.

Hamari muasharti tehzeeb aur mazhabi iqdaar par is qisam ke waqeaat badnuma daagh qaraar diye ja sakte hain. In ki jitni jald mumkin ho sake rok tham karna zaroori hai. Lekin is ke liye waldain, hukoomat aur muashrey ko mil kar kirdar ada karna ho ga. Islam ki asal rooh ko samajhna hoga. Ke hamara mazhab hum se kis qisam ki tarz-e-zindagi ikhteyaar karne aur husn-e-sulook ikhteyaar karne ka taqaza karta hai. Is baat se to inkaar nahi kiya ja sakta ke bachon ko deeni aur dunyawi dono taleem dilana zaroori hai. Lekin dauran-e-taleem bachon par be ja sakhti karne aur in par zehni-o-jismani tashaddud karne ka koi bhi muhazzib muashra ijazat nahi de sakta. Lekin aaj tak kisi ke khilaf bhi koi karwaai nahi ki gai hai. Agar ab bhi is masley ki sangeeni ka andaza na kiya gaya, to aane wale dinon mein kya hoga ??? yeh soch kar he insaan khauf mein mubtila ho jata hai.

Abida Perveen   Exersice Tips

 

 

More Links

Retirement Ki Tayari

Husn e Akhlaq

Hakeem Saeed

Importance of Water

Jahez Ki Lanat

Purani Film

Gold Aurat Ki Kamzori

Mazloom Aurat

Nikah In Islam

 

Copy Right 2012-2014 www.Meriduniya11.com Contact Us