Header
Home > Article >Ramzan

 

 

 

 

Ramzan Ka Roza

Ramzan ul Mubarak is the Month of Fasting. We take fast with faith and patience. AL-RAYYAN is the door of Heaven. It is only door for Fasting people, who fasted in the Ramadan ul Mubarak. Fast is a very important component of Islam. In this page you can see the information about Ramadan ul Mubarak. Here we give you some Question/Answer for your information.

Islamic Question Answer In Urdu

Ramadan ul Mubarak wo ba rarkat mahina hai. Jis mein ALLAH PAK ne hamesha hamesha ke liye Bani Nooa Insaan ki rehnumai ka zariya QURAN PAK nazil farmaya. Musalmano ko is mahiney RAB TA’ALA ki qurbat hasil karne ki talqeen ki gai hai. Isi baat ke pesh e nazar zeyl mein hum maroof rohani shakhsiyat Sarfaraz Ahmed Shah Sahab se Ramadan ul Mubarak ke hawaley se ki gai guftugo pesh kar rahe hain.

Question : Rozo ke liye aik month ka ho arsaa he kyun muqarrar kiya gaya?

Answer : Yehi sawal British mein aik TV Channel par interview ke dauran bhi pocha gaya tha. To meri guzarish yeh hai ke Ramzan mein wo tamam chezen jo Islam mein mana hain aur dauran e roza kae halal kamon se bhi hum ruk jate hain. 30 din hum musalsal isi amal se guzarte hain. To insane fitrat hai ke jo amal aap 30 din tak musalsal kar len aur shaoori koshish ke sath karen, wo adat ban jati hai. Yeh training hai aik musalman ki, har saal refresh course ata hai. Insane zindagi mein training hamesha mehdood waqt ke liye hoti hai. Yeh musalsal jari nahi rehti. Is refresh course se har chez nae sirey se zehan mein taza ho jati hai.

Question : Roza na rakhne par Tazheek ka nishana banana, mazaq urhana ?

Answer : Yeh pasandeeda rawaiyya nahi hai. Musalman yeh kaam bhi nahi karta, yeh sirf roze ka muaamla nahi hai. Kisi bhi chez mein musalman yeh kaam kabhi nahi karega ke wo kisi ko sharminda kare, zaleel o khuwar kare, kyun key eh sunnat nahi hai.

Question : Gher muslimo’n ke barey mein muslim riyasat ka rawaiyya ?

Answer : Jahan tak gher muslimo’n ka talluq hai to unhe to pori azaadi hai. Islami mumlikat ka husun yehi hai ke aqliyaten bohat mehfooz hain. Shayad un mumalik se bhi ziyada mehfooz jahan in ke apnehum mazhabon ki hukoomat hai. Musalman ki khobi yeh hai ke musalman ke hathon dushman bhi utna he mehfooz hai jitna ke dost. Dushman ke liye musalman khatra sirf meydan e jang mein hai aur meydan e jang mein bhi sirf us waqt tak jab tak dushman ne hathyar uthaya hua hai. Musalman ki to khobi yehi hai ke wo apne dushman ke liye bhi behtreen dost hai. Aqliyaton ki samaji, mazhabi azaaadi, un ki khandani azaadi sab ka tahaffuz ho ga. Wo har tarha azaad hai, use sirf juzya dena hai.

Question : Ramzan aur khane pine ki ashyaa ki dastiyabi ?

Answer : Mukammal taur par khane pine ke marakiz to band nahi hote. Missal ke taur par Islam ne jin muaamlaat mein chot di hai, jaise ke safar hai to Railway Station par khane pine ke tamam marakiz khule hue hain. Jitney bhi aap ke five star hotels mein jitney bhi un ke restaurants hain wo sab khule hain aur koi aap ko mana nahi karta jane se. sirf yeh hai ke is ka aehteram zaroor karna chahiye. Islam mein bemari ya kisi majbori mein rozey ki chot hai to aap kha pee sakte hain. Lekin sar e aam nahi.

Question : Roza kaisi zehni kefiyat ka mutqazi hai, kis tassawur ke tehat roza rakha jae ?

Answer : Is mein hamare 2, 3 rawaiyye hain maujoda waqt mein. Aik to wo log hain jinhe ALLAH PAK ne taufeeq bakhshi hai aur roze ko khalisatan ibadat ke taur par le lete hain. Yeh wo log hain jo rozey ko pore adaab ke sath use ikhteyar karte hain. Jaise RAB TA’ALA ne hukum diya hai ke tum apne aap ko mamnoaat se rok lo, un ke qarib na jao aur roze ko pore aehtemam ke sath rakhte hain. Dosre kuch log wo hain jo roze ko ALLAH PAK ka hukum samajh kar rakh lete hain. Lekin roze ke jo adaab hain, un ke barey mein ziyada mohtaat rawaiyya ikhteyar nahi kar pate. Natija yeh hota hai ke hum gusse mein bhi aa jate hain. Hamare mou se wo batein bhi nikal jati hain jo haqiqat ke qareeb nahi hoti. Ab teesri qisam wo hai jo roze ko medical nuqta e nazar se dekhte hain ke is ke tibbi fawaiyd hain, to yun jismani fawaiyd bhi hasil ho jaenge aur ALLAH PAK ke hukum ki tameel bhi ho jaegi.

 

 

 

Aurat Par Tashadud

Aurat Ki Kamzori

Mazloom Aurat

Saas Bahu Ka Rishta

Ustad Ka Kirdar

Nikah In Islam

Jahez Ki Lanat

Purani Film

Taj Mahal

Hakeem Saeed

 

Copy Right 2012-2014 www.Meriduniya11.com