Header
Home> Articles >

 

 

 

Qurbani

Qurbani means slaughter of an Animal in the name of ALLAH PAK on the 10th, 11th and 12th of the Islamic Month of Zil-Hajj. Qurbani is essential for one who has the financial means and savings that remains surplus to his own needs over the year. In this page you will read a article Qurbani in Urdu and Roman Urdu.

Qurbani Image

Qurbani In Urdu

Sunnat-e-Ibrahimi ( Qurbani ) ka waqt jou jou qareeb aa raha hai. Electronic media par gaeyon, beylon, bakron, oonton ko dulhanon ki manind saja sanwar kar dikhaya ja raha hai.
Khreedaron ke mou ke aage mike pakarh kar khare anchors sahiban tarha tarha ke sawalat karte dekhe ja rahe hain. Aur kharedar bechare Qurbani se pehle he mehngai par qurban huwe ja rahe hain. Har aik ke mou se yehi sunne ko mil raha hai ke janwar kharedna dushwar hota ja raha hai.

Yehi anchors aur yehi mike jab beopariyon ke paas jate hai, to un becharon ke dukhon ki kahani aur bhi ziyada ilmnaak aur rula dene wali hoti hai. Wo beopari apni dukh bhari dastan kuch is raqt aamez bhare andaaz mein sunate hai, ke anchors ki awaaz bhi bhar jati hai aur yehi kuch har saal hota rehta hai.

Beopariyon ke baqol un ka ilmiya ye hai ke ek to janwar milte he mehnge hai, phir un par hazaron rupiya kirae ki mad mein kharch kar ke unhe mandi tak late hai. Mandi mein ek aur musibat muntazir hoti hai.
10 bai 10 ki jagah ka kiraya hazaron mein hota hai, phir janwaron ka dana pani, sath main apna dana pani. Chokidar, police, bhangi, saqa ( chirhkao wala ) sab ko kuch na kuch dena he parhta hai aur jab kae hafte bad is afra tafri ki dhool beth jati hai. To pata chalta hai ke palle se he dene parhte hai........ to bhai sahab agar har saal ap ko khasara he hota hai to..... baqol shakhs
Do dost sar-e-raah mile.

Salam dua aur haal aehwal pochne par ek dost ne kaha. Yaar bohat pareshan hoon. Kal joey mein 10 hazar haar gaya, Parson 5 hazar haare the, tarhson 8 hazar....... dost ne baat kat’te hue kaha.... phir ye zaleel kaam chorh kyun nahi dete. Kehne lage kaise chor sakta hoon. Meri rozi roti shayad isi mein likhi gai hai. Shayad beopari bhi yehi kahe. Lekin haqeeqat roz roshan ki tarha ayaa’n hai, ke ye sare kharche us shakhs se pore kiye jate hai, jo sara saal mehngai ki chakki mein pista raha hota hai. Eid qurban janwar se pehle he mehngai par qurban ho chuka hota hai.
Hum ne aese aese logon ko bhi dekha hai, ke bachon ki fees par school se notice par notice aae hue hote hai. Bijli ka bill due hai. Ghar mein aatey ka kanastar khali hai. Ghee, cheeni ka dabba bhi jawab de chuka hai. Magar qurbani zaroor karni hai, bhale qarz le kar ki jae ya sood par rupey le kar. Warna arhose parhose wale kya kahenge, dunya kya kahegi.
Qatai nazar in sari pareshaniyon ke janwaron ki sajawat par waqtan fawaqtan, mubahis, aetrazaat aur le de hoti rehti hai. Lekin yahan kuch dinon se ek nae masley ne sir uthaya hai aur wo maslaa hai......janwaron se raqs karwana.
Agar in bechare janwaron ko quwwat-e-goyai mil jae aur raqs ke sath sath gane ki farmaish ki jae to ghaliban ye janwar pehla gana yehi gaenge.
Jo dastan go kuch barh bola ya mubalgha baaz hota tha wo kuch is tarha qurbani ke janwar ki tareef kiya karta tha.
Are yaar.........kiya batao zalim ki kya ghazab ki chaal thi, aese bawaqaar andaaz mein qadam rakh raha tha. Jaise kisi barhe gaon ka chaudhry chal raha ho.
Lekin aaj ka mubalgha baaz dastan go kuch is tarha izhaar-e-khayal karega... ooe hoe kya ghazab ka dancer bakra tha. Film pakeeza ke gane par to wo thumke lagae ke Meena Kumari ki rooh jhoom jhoom uthi hogi.
Qurbani ke janwar se raqs karwane ke hawale se hum ne janab Mufti Sahab se rabta kiya aur un ka nukta-e-nazar janna chaha to Mufti Sahab ne koi fatwa dene ke bajae chand lafzon mein is itne barhe masley ki bisaat palat di.

Mufti Sahab ne Irshad farmaya, ke jab ye Farman-e-Ilahi hai ke jis tarha ki qaum hogi un par unhi ki tarha ke hukmarano he ke jaise janwar bhi nachte gate thumke lagate he nazar aaenge aur qurban hote rahein ge.

Abida Perveen Alhaj Muhammad Siddiqui Ismail Exersice Tips

 

 

  • More Links

Retirement Ki Tayari

Husn e Akhlaq

Hakeem Saeed

Importance of Water

Jahez Ki Lanat

Purani Film

Aurat Par Tashadud

Taj Mahal

 

Copy Right 2012-2013 www.Meriduniya11.com Contact Us