Header
Home> Articles  

 

 

 

 

Nikah ( Marriage)

Nikah (Marriage) is a pure relationship between Man and Woman ( Mard aur Aurat ) in Islam, who’s we called husband and wife relationship. Islam is very easiest religion, who does not ignore and disagree of human rights. In this page you will read Nikah In Islam (Marriage In Islam)  In Urdu and Roman Urdu.

Nikah In Islam In Urdu

Nikah In Islam Image

Nikah aik mazboot-o-pakeeza bandhan hai. Islam aisa mazhab hai jo insaani taqazon ko nazar andaaz nahi karta. Islam ka sab se aeham aur numaya pehlo ye hai ke is ne kisi bhi tareeqa, qanoon ya zabta tashkeel dete waqt insaani jazbaat-o-aehsasaat aur taqazon ko nazar andaaz nahi kiya.

Islam ne jo aurat ko izzat-o-tauqeer bakhshi hai aur jo maqam ata kiya hai, us ki misaal kisi dosre mazhab mein nahi milti. Islam mard aur aurat ki jismani sakht ke lihaz se ikhlaqi zabta hayat ki tashkeel karta hai. Is ki roo se is ke nazdeek azdawaji talluq se afzaiysh nasal aur rahat dono maqsood hain aur is ke liye Nikah jaise pak talluq ko istawar kiya gaya.
Nikah ke bandhan ke zariye khandan ke nizam ko pakeezgi ke sath sath bepanah taqat bhi ata ki gai hai. Kyun ke muaashrey ki ufat, asmat aur wehdat ke inhesar sirf aur sirf khandan ki ufat, asmat aur wehdat se mashroot hai.  ALLAH PAK ne Mian aur Biwi Ke Rishte ko dosre tamam rishton se ziyada pasand farmaya hai.

QURAN PAK ne mard ki tarha aurat ko bhi jaza aur saza ka haqdaar thehraya hai. Quran ne ikhlaq aur pak damini ka talluq jinsi aemaal tak mehdood nahi rakha bal ke use pori insani zindagi par muheet kiya hai. Islam ne Nikah ko mardon aur aurton ke darmiyan ikhtelaat ke liye wahid jaiyz zariya qarar diya hai. Azdawaji hisar mein zaujein ke darmiyan rahat, mohabbat aur rehmat matlob-o-maqsood hai. Is maqsad ki takmeel sirf usi soorat mumkin hai, jab zaujein ka taqwa ka paas ho.

Islam mein shadi ko aaiyli zindagi mein nuqta-e-aaghaz ki hesiyat di gai hai aur afzaiysh nasal ki hausla afzaai ki gai hai. Islam ka sab se aeham aur numayan pehlo yeh hai, ke us ne kisi bhi tareeqa qanoon ya zabte ka tayun karte waqt insani jazbat-o-aehsasaat ya taqazey aur insan ki fitri khuwahishon ko kabhi bhi nazar andaaz nahi kiya aur na kisi gher fitri qanoon ya usool ko insanon par musallat kiya hai. ( baaz aise aemaal jin ki adaegi mein insaan khud ko takleef ya mushkil mein mehsoos karta hai, haqeeqat mein us ke liye is mein bhi bhalai hoti hai ke apni mehdood aqal ke baiys insaan is faidey ko nahi jaan pata ).

Isi tarha Nikkah ke waqt bhi islam ne tamam insani taqazon ko samne rakha hai. Nikkah karne ki sirf un logon ko ijazat di gai jo jinsi, maashi aur rohani faraiyz anjaam dene ki salahiyat rakhte hon. Yahan tak ke agar kisi musalman aurat ko haq hai ke wo us se Khulaa ( Alehdgi ) hasil kar sakti hai. Isi tarha agar kisi aurat ka shohar is ke naan nufqa ke akhrajat bardasht nahi kar sakta ya kisi bhi wajah se aurat apne shohar ko na pasand karti hai to use bhi Alehdgi ka haq hasil hai. Yeh baat intehaai afsoosnak hai ke hamare yahan is muamle mein haqaiyq ko tasleem karne se gurez kiya jata hai.  Hamare yahan baaz gharanon mein beti ya bete ka Nikah ke mauzoo par dosron se to dar kinar waldain se bhi baat karna nehayat mayoob khayal kiya jata hai. Jab ke islam mein is ki halki si jhalak bhi dikhai nahi deti.

 

 

More Links

 

Copy Right 2012-2014 www.Meriduniya11.com Contact Us