Header
Home>> Articles  

 

 

 

 

Mausam e Sarma

This year is very cold everywhere in the Whole World. America, Europe, Canada and different Countries made the ice inferno. Dangerous weather of winter also muffle the Asian Countries, such as Japan, China, Korea, India, Pakistan and the estate of Eastern middle. Whole World faced the many problems of this winter and its coldness and snow falling. Many people wasted his life and homes. Many people died because of hunger problem. Commercial departments, school, colleges and universities and many other works had closed because of coldness and snow falling. Many flights and railways also had abrogated in different Countries. Finally, the experts of weather said that, the polar vortex is a consequence of this winter coldness in all over the Whole World. A polar vortex is also known as polar cyclone. In this page, you can see the information and news about the weather of winter season In Urdu (Mausam e Sarma) In Roman Hindi.

Mausam e Sarma Essay

Is saal mausam e sarma ne jis tarah duniya par qehar barsaya hai. Is ke bad America, Europe, Canada aur deegar mumalik to barfani jehannum bane. Sath he Asian mumalik Japan, China, Korea, India, Pakistan aur mashraqi wastee ki riyasatein bhi is khaufnaak sard lehar ki lappet mien aa gai hai. Aesi baraf bari kae ashron pehle kabhi dekhi gai ho gi, lekin yeh tey hai ke is sard lehar ne ameer o ghareeb tamam mumalik ko na qabil beyan pareshaniyon mien daal diya. Na jane kitni jane waste hui. Kitne log bhook se marr gaey, kitne be ghar thitharti hui sardi ki wajah se apni jano se gaey. Logon ko khana peena nahi mil saka. Tijarti idaron mien kaam nahi ho saka. Mazdoor, mazdoori se mehroom rahe to mehnatkashon ko mehnat karne ka mauqa he nahi mil saka. Sard mumalik mien to sardi koi nae baat nahi hai. Wo is mausam ke aadi hain. Lekin wo bhi itne shaded mausam ko bardasht nahi kar sake. Taleemi idaron mien tadrees ka amal rokna parah. Dost aehbaab zaraey aamad o raft mien khalal ke baiys aik dosre ko dekhne ya aik dosre se milne bhi na ja sake.

Dosri janib hamare mulk Pakistan ke kuch ilaqon mien sardi ziyada parhti hai, baqi hamare mutadid ilaqon mien mausam mutadil rehta hai. Magar is bar jaisi shaded sardi parhi. Us ne Pakistanis ko bhi pareshan kar diya.

haded sardi ki yehi lehar kahan se aa gai. Yeh sab kaise aur kyun hua ??? kya yeh achanak hua yeh hamare experts pehle se is ke barey mien jante the ??? experts mausmiyaat ka kehna hai ke is ki zimmedar qatbi hawaon ke shadeed aur gher mamoli jhakkar hain. Jinhe duniya ke beshtar mumalik ko safaid baraf ki chadar urha di. Experts ka shuru se he yeh kehna tha, ke sardi ki yeh lehar guzishta 40 barson mien shaded tareen hai. Jis mien temperature minus 60 degree centigrade tak kar sakta hai.

America mien aane wali is shadeed tareen sard lehar ne temperature intehai had tak gira diya. Jis ke bad mutadid amwaat hui. Karobari marakiz band kar diye gaey aur school, college aur deegar taleemi idaron mien bhi hangami chuttiyon ka aelaan kar diya gaya. America aur British mien senkaron parwazein mansookh kar di gai. Is shaded tareen sard mausam ke baiys na jane kitne he log be ghar ho gaey aur mukhtalif maqamaat par panah lene par majboor ho gaey. Mausam ki shiddat ka andaza is baat se lagaya ja sakta hai ke is ki wajah se oil ki peydawar ko waqti taur par rokna parha. Experts mausmiyaat ne sardi ki is shaded lehar ko Polar Vortex ka naam diya hai aur zaraey iblagh ise Polar pig keh kar pukar rahe hain. Sawal yeh peyda hota hai ke yeh Polar Vortex aakhir kya hai, jis ne sari duniya par sard qehar barsa diya hai.

Aik polar vortex ko polar cyclone bhi kehte hain. Yeh aik wasee pemane ka mustaqil cyclone hai jo karrae arz ke geographic qatbeen mien se kisi aik qatab ke qareeb maujood hota hai. Zameen par qutbi chakkar ya to zameen ki balaai teh par hote hain ya darmiyani the par. Yeh qutbi bulandiyon ko ghere rehte hain aur qutbi front mien maujood rehte hain. Yeh sard the wale kam dabao wale maqamaat sardi mien mazboot ho jate hain aur garmi main kamzor parh jate hain. Is ki wajah yeh hai ke wok hat astawar aur qutbeen ke temperature mien farq par inehsar karte hain. Aam taur se yeh 1,000 kilometer yani 620 meel se kam ka chakkar lagate hain. Jis mien hawa watch ki niddles ke mukhalif andaaz se ghomti hai, lekin yeh kaam shumali nisf mien hota hai aur is tarah yeh toofan yani polar vortex banta hai. Dosri taraf dosre cyclone inhe ke asraat se bante hain. Shumali nisf karey mien arctic vortex ke do marakiz hain. Aik buffoon Island ke qareeb aur dosra shumal maghrabi Siberia ke balaai hisse mien. Junobi nisf kare mien yeh rooz ice shelf ke kinare par 160 maghrabi tool ke qareeb rehta hai. Jab polar vortex ziyada shaded ho jata hai to maghrabi hawain bhi shiddat ikhteyar kar leti hain. Lekin jab polar cyclone kamzor hota hai to shaded qisam ki sard hawain chal parhti hain. Polar vortex mien ozone mien kami hoti hai. Khas taur se junobi nisf kare par aur yeh mausam bahar mien ziyada hota hai. Beharhaaal yeh polar vortex he tha jo America, Europe aur Asian Countries aur mashraqi waste mien shaded sardi ka sabab bana.

Chicago mien nisf se ziyada parwazen mansookh karni parhi. Is ki wajah yeh thi ke eindhan supplies tak munjamid ho gai thi aur amla tayyaron ko oil farahum nahi kar saka. Chicago mien dopehar ka darja hararat manfi 24 degree centigrade tha. Tez aur tofani hawaon ki sardi makeeno ki haddiyon mien gooda tak jamae de rahi thi.

Texas se shumali Dakota aur Canada tak tamam oil fields mien shaded sardi ki wajah se traffic ka nizam darham barham ho gaya. Oil ke kunwon mien techniques problems ki wajah se kaam mukammal taur par band ho gaya.

Anaaj aur machines ki naqal o hamal ka kaam bhi shaded mutasir hua, jis se logon ko meat ki farahmi band ho gai. Anaaj aur meat ki packing karne wale mutadid idaron mien bhi kaam na ho saka. Phir is sardi ne gehon ki faslein bhi tabah kar dali.

Cleland ( Ohio ) mien temperature minus 19 degree centigrade ho gaya tha, jis ne be ghar logon ko panah ki talaash mien bhatakne par majboor kar diya.

American weather department ne maghrabi aru markazi North Dakota ke logon ko khabardar kar diya ke temperature minus 15 degree centigrade tak jane ka khatra hai.

Sardi ki yeh dangerous aur shaded tareen lehar sirf America tak mehdood nahi rahi, bal ke is ne duniya ke dosre hisson ko bhi mutasir kiya. Almate ( Kazakhstan ) mien temperature minus 22 degree centigrade tak gir gaya. Magnolia mien yeh minus 23 degree centigrade tak gira aur Siberia ke area Irkutsk mien yeh minus 33 degree centigrade tak gir gaya. England mien bhi soortehaal America se mukhtalif nahi thi. Wahan bhi barf ne tamam karobari aur deegar sargarmiyan munjamid kar ke rakh den. Korea mien bhi jagah jagah barf ked her lag gaey.

Misar mien pehli baar aesi barfbari hui ke aehram e misar jo hamesha se surkh aur zard nazar aate the, unho ne bhi doodhiya barf ki chadar orh lit hi. Sham, philistine, aur deegar Arab Estates mien bhi yehi soortehal rahi. America mien toofani barf bari aur shaded sardi ke lehar ne sirf air traffic ko he mutassir nahi kiya, bal ke railway nizam bhi buri tarah mutasir hua. Is shaded toofan ki wajah se new England ke mukhtalif hisson mien sarhkon par 2 ft moti barf ki the jam gai. Phir experts mausmiyat musalsal yehi kehte rah eke yeh sard lehar pore mausam sarma mien barqarar rahegi.

Munjamid Niagara Falls : Is shaded tareen mausam e sarma ne jahan duniya par sard qehar barsaya, wahin kcuh haseen manazir bhi is mausam ki wajah se dekhne mien aaey. Niagara Falls , duniya ki wo haseen tareen aabshar hai jo apni bulandi se girte hue pani ki wajah se sari duniya ke sayyahon ki tawajja ka markaz hai. Log barhe shauq se sirf is ka tez o tand pani dekhne he to aate hain, magar is baar to yeh aabshar bhi jam gai aur is ki thos barf par shauqeen logon ne khob skating ki aur khel tamashe kiye. Munjamid naya gira aabshar ko agar is mausam e sarma ka munfarid tohfa kaha jaey to be jana ho ga.

• Germany Mien Barf ki Chadar Orhe Darakht : Germany ke mukhtalif shehron mien barfbari ne boat haseen manazir takhleeq kar dale. Kae park aur baagh aise the. Jin mien darakht aur perh, paudon ne barf ki chadar orh li aur yeh chadar is had tak pukhta aur thos ho gai thi, ke aisa mehsoos hota tha jaise yeh barf ke darakht hain. In darakhton ko dekh kar acha to mehsoos hua magar log jald is soortehal se uktane lage. Kyun ke wo sarsabz darakhton aur perh, paudon ke aadi hain. Safaid darakhton ke nahi.

China Mien Munjamid Jheel Aur Tafreeh : China ki jheelen har saal he mausam e sarma mien jam jati hain aur in ki barf is had tak thos aur sakht ho jati hai ke is par log khob tafreeh karte hain. Mukhtalif khel khelte hain aur garhiyan tak chalate hain. Baaz log to is pukhta jheel par khare ho kar patang bazi bhi karte hain. Baaz log is jheel mien soorakh kar ke is se fishes bhi pakarhte hain, magar is baar wo machli nahi pakar sake, kyun ke sardi ki shiddat ki wajah se barf ki yeh the khasi moti ho gait hi aur fishes ziyada gehrai mien chali gait hi.

 

 

 

 

More Links

Sadhu Bela Temple

CNN Heroes 2013

Venice City

Importance of Water

Jahez Ki Lanat

Purani Film

Aurat Par Tashadud

Taj Mehal

 

Copy Right 2012-2014 www.Meriduniya11.com Contact Us