Meriduniya11 Header
Home > Article >Lailatul Qadar

 

 

 

 

Lailatul Qadar

LAILATUL QADAR is the last ten Nights of Ramadan ul Mubarak. It is also called the Nights of SHAB E QADAR. It is belong to 21st, 23rd, 25th, 27th, and 29th Ramadan ul Mubarak. The Nights of SHAB E QADAR is better than a Thousand Months. We must should spend in SHAB E QADAR Nights in Prayers and pardon for our sins. ALLAH PAK pardons greatly and loves pardon, so will be Pardon us. In this page you can see the information about LAILATUL QADR, the Nights of SHAB E QADAR In Urdu.

Urdubiography Banner

Lailatul Qadar Ki Ibadat In Urdu

Lailatul Qadar bohat barkaton aur rehmaton wali raat hai. Is shab ALLAH PAK ki karam nawazi bohat zoron par hoti hain. ALLAH PAK is raat pehle aasman par utar aata hai. HAZRAT JIBRAIL A.S. bhi dosre farishton ke juloo mein aik sabz parcham le kar zameen par utarte hain. Aur wo parcham KHANA’E KA’ABA ki chat par garhte hain. Phir farishton ko hukum dete hain ke zameen par pheyl jao. Hazrat Jibraiyl A.S. ke kul 600 Par hain jo mahu ibadat logon par chah jate hain. Jo log is raat Dua karte hain to farishtey AAMEEN kehte hain.

Aik sawal jo aksar zehno mein ubharta hai, ke aik taraf to kaha jata hai ke QURAN PAK pore ka pora SHAB E QADAR mein utara gaya hai aur dosri taraf QURAN PAK HAZRAT MOHAMMED MUSTAFA S.A.W.W ki nabowwat ke 23 saalon mein chote chote hisson mein wahi ke zariye AAP S.A.W.W par nazil hota raha. Dar haqeeqat yeh dono batein he bilkul thek hain. SURAH QADAR mein Irshad hota hai : “ INNA ANZALNA FI LAILATUL QADAR ”.

Issa 2 maeyne murad hain. Aik to yeh ke HAZRAT ADAM A.S. ke duniya mein tashreef lane se qabal he QURAN PAK ko Loh e Mehfooz mein mehfooz kar diya gaya tha. SHAB E QADAR mein yeh QURAN PAK Loh e mehfooz se aasman duniya (Beyt ul Izzat) par pore ka pora nazil kar diya gaya. Phir us aasman se HAZRAT JIBRAIL A.S. QURAN PAK ko chote chote hisson mein AYAAT ki soorat mein Wahee ki shakal mein AAP S.A.W.W tak pohchate rahe aur yeh amal 23 saal mein mukammal hua.


Is zaman mein aik aur baat bhi be had aeham hai ke aik SHAB E QADAR se dosri SHAB E QADAR ke dauran jitna bhi QURAN PAK AAP S.A.W.W par nazil hota, us raat HAZRAT JIBRAIL A.S. us tamam wahee ko ikhatta kar ke AAP S.A.W.W. ko suna diya karte the. QURAN PAK ke nuzool ke ilawa deegar sahifey aur ilhami kitabein bhi MAAH E RAMADAN he mein nazil hui.

SHAB E QADAR, MAAH E RAMADAN ki aakhri ashrey ki taaq raton mein talaash karne ki takeed ki gai hai. Is hawale se mukhtalif riwayat milti hain. HAZRAT IMAM SHAFEY REHMATULLAH ALAEHE ke mutabiq SHAB E QADAR 21 RAMADAN UL MUBARAK ko hoti hai. HAZRAT UMAR FAROOQ R.A. ko yeh gumaan tha ke, 23 RAMADAN SHAB E QADAR hoti hai. AAP S.A.W.W. se aik hadees riwayat ki jati hai. Jis ke mutabiq 27 RAMADAN, SHAB E QADAR hoti hai. HAZRAT AAISHA R.A. ke mutabiq 23 RAMADAN ko SHAB E QADAR hoti hai aur kuch riwayat ke mutabiq SHAB E QADAR 29 RAMADAM ki raat hoti hai.

Yeh sab riwayaat apni jagah behad aeham hain, lekin behtar yehi hai ke kisi aik amakhsoos raat ke bajae aakhri ashrey ki tamam taaq raton mein Shab e Beydari ka aehtemam kar liya jae, ta ke SHAB E QADAR ke feyoz o barkaat ko bharpor tariqe se sameta ja sake. SHAB E QADAR mein hum RAB TA’ALA se 2 chezen mangen. YA ALLAH TU MUJH PAR REHAM FARMA DE. YA ALLAH PAK TU HUM PAR APNI REHMAT NAZIL FARMA.

Kehne ko to Reham aik lafz hai. Lekin is mein bohat se maeyne posheeda hain. Jab koi shakhs ALLAH PAK se us ka reham mangta hai to goya wo apne aajiz aur bebas o lachaar hone ka iqraar kar raha hota hai. ALLAH PAK ke Huzoor apni khuwahishat, iradey aur marzi se dast bardar hone ka iqrar kar raha hota hai. Is ke sath he sath wo apne gunahon ka bhi aiteraaf kar raha hota hai. RAB TA’ALA se reham ki bheek talab karna goya apne gunahon aur kotahiyon ka iqrar bhi hai aur izhar e nadamat bhi. Yeh darasal aik aajiz aur lachaar bandey ka iqrar hai ke “ aey ALLAH PAK tere hukum se sartabi nahi honi chahiye thi, phir bhi mujh se ghalti sarzad ho gai…” Jab hum mukammal taur par hathiyar daal kar ALLAH PAK se us ka reham talab karte hain to us ki rehmat josh mein aati hai. Wo apne bandey ko khuwa wo kitne he fasiq o fajir kyun na ho, muaf farma deta hai.

Is Hazar Maheeno Se Behtar Raat Mein Ibadat Mundarja Zail Tariqon Se Ki Ja Sakti Hai

1- Namaz e Isha se le kar Shab 1 baje tak Nawafil ada kiye jaey.

2- 1 baje se 3 baje tak Tilawat e KALAAM PAK ki jae.

3- 3 baje ke bad mazeed nawafil aur Namaz e Tahajjud ada kar len.

4- Namaz e Fajar ada Karen aur us ke bad dobara Tilawat e QURAN PAK Karen.

Umeed hai ke ALLAH PAK apni rehmat ke sadqey humen bakhsh de ga aur hamare gunahon se sarf nazar farmaega.

Jahan tak SHAB E QADAR ki alamat ka talluq hai, is raat mein na sardi hoti hai aur na he garmi. Riwayat hai ke is mein Kutte ki awaz bhi sunai nahi deti. Is raat ki subha ko jab aftaab tuloo hota hai, to yun lagta hai goya is mein zara siyahi na ho, wo tusht dikhai deta hai. Is raat ki ajeeb batein aur asaar aehl e dil, aehl e ata’at, aehl e wilayat aur un logon par munkashaf hote hain. Jinhe ALLAH PAK yeh sab dikhana chahta hai aur har shakhs ko us ke maqam, maratbey, haal aur ALLAH TA’ALA ke sath qarb ke mutabiq is raat ka mushahida hota hai…

 

 

 

Nikah In Islam

Ramzan

Roza

Hazrat Ali (R.A)

Hazrat Fatima Zahra

Aurat Par Tashadud

Jahez Ki Lanat

Purani Film

Taj Mahal

Hakeem Saeed

 

Copy Right 2012-2014 www.Meriduniya11.com