Header
Home> Articles  

 

 

 

 

Jahez Ki Lanat

Jahez Ki Lanat

The practice of giving dowry ( Jahez ) is not a part of Islam, although it is rampant in Pakistan. It is an imitation of ancient Hindu culture in which Daughters were not given any share in the Family property. Islam granted Daughters a rightful share in their Family property and inheritance.The form of dowry is either an amount of money, goods and possessions given to the Bride by the Bride's Family at the time of her Marriage, in order to attract a good Husband for her. it then becomes the property of the Husband or his Family upon his marrying her. This is a totally un-Islamic practice. In Islam, Women are not the properties of thier Families and should not be traded like a material good. This is an insulting practice and a very unfortunate and deplorable act that we seebeing committed daily in our Society. In this page you will read an article Jahez Ki Lanat In Urdu and Roman Urdu .

Jahez Aik Lanat Hai Kon Kare Ga Jahez Ki Lanat

Ko Khatam ?

Humare mashre mein Kisi bhi larki ki shadi ka ziker kertey hi zehan mein Jo sab se pehley khayal ata hai woh hai Jahez. Dusre lafzon mein hum keh saktey hain ke shadi aur Jahez ke bagair waldain ke leyeh larki ko rukhsat karna na mumkin ho jata hai. Jahez ki Lanat humere jaisey Muslim mashre mein aik aise masharte mein Jahez Ki Lanat ki shakal ikhtayar kerti ja rahi hai jis ka ilaj asan nahien. Ketni jawaniyan jahez pura kerne ke intezar mein babul ke ghar baithe baithe budhapa ki dehleej per ja pahunch ti hain. Aik aise mashre mein jahan aie din gairat ke naam per kabhi maa, behan aur betiyon ko qatal ker diya jata hai wahan Jahez ke lain dain ke mamle per hamari gairat bekhabri ki chader orh ker sojati hai. Hatta ke baz waqeat mein to yehan tak dekha gaya hai ke Jahez ki agg shadi ke bad bhi bujhney mein nahien ati.

Larki wale shadi ke bad bhi tara tara ke motalbat kertey haien aur agar unko pura na keya jaey larki ki zindagi ko aik bar pher lan tan aur azmaishon ki bhatti se guzarna perta hai yehan tak ke kabhi kabhi man mana jaihaiz na deney kip awash mein larki ko apni jan se hat dhona per jata hai gaon dehat mein to aksar o beshter chulehey phat janey ke bahaney se larki ko zinda jala ker mar diya jata hai iss tarah aik dusrey Jahezka bndobast keya jata hai.

Jahez ke lain dain ke hawaley se agar hum Pakistan ki gaiyoor aur bahadur qaum ki rasumat ka jaiza leian to andaza hoga ke Balochistan ke ilaqe mein “Wilver” jise hurf amm mein Jahez kaha jasak ta hai. Iss rasam ko ada kerne mein raqam ki malyat mein roz baroz azafa hota jar aha hai jo yaqenan aik gareeb aur motwsit tabqa se bahar ho jata hai. Iss ke bawajood beti kabab shadi kertey furniture, kaprey, bartan aur zewarat wagaira taqreban do se teen lakh tak ka saman deta hain baqaya shadi ke bad raqam qiston kein beti ke bap se wasool ki jati hai. Sawal yeh paida hota hai ke kiya larki ki shadi mein larke walon ko yeh raqam lena jaiz hai? Aur phir iss raqam se khana peena halal hai ya haram?

Iss zaman mein ghor kerne wali bat to yeh hai ke Quran o Sunnat mein Jahez ki rasam ko pazerai di gae hai haqeeqat yeh hai ke Islam iss tarah ki tamam rasoom per pabandi lagata hai aur mazkoorah rasam to kisi tarah se bhi islami talemat ki rao se jaiz nahien aur iss rasam se hasil honey wali raqam se khana peena kisi tarah bhi halal nahien dekha jai to yeh sarasar beti ke bap per zulum hai Islami taleemat ki roshni mein to shadi ke moqa per beti ke bap ka ik paisa bhi kharch nahien hona chaey na Jahezke namper na “wilver” ke nam se saman lena aur na iss ka motalba karna jaiz hai afsos se kahna per raha hai ke humerey mulk mein Jahez ka qanoon islam aur Quran o Hadees ke motabiq nahien agar yehan ka qanoon Quran o Hadees ke mutabiq hota to mulk ke kisi bhi hissey mein itni na insaafi, gair islami rewayat aur zulum dekhney mein nahien ata aur na hi ameer gareeb ke darmayan itna wazah farq hota jitna abb dekhney mein araha hai hamarey deen ke motabiq to ameerul momeneen ho ya aik amm admi qanoon ka itlaq sab per hota hai koi bhi qanoon se balater nahien samjha jata magar humere hukmarano ke qoul o fail mein khula tazad hota hai yeh ziker kertey haien Khulfa e Rashideen ka aur unki harkatein hain shaitanon jaisi dusri janib Pakistani awam hain jo rasm o riwaj, bhook o nang aru tang o tarshi ki waja se pareeshan haien zindagi ke har shoba mein gareeb awam ki taoheen ki jati hai unki tazheek hoti hai.

Shadi biyah ke mamlat sadgi aur khushi se tai hona chaey magar iss Jahezki lanat ki waja se gareeb waldain shadeed tanao ka shikar hotey haien aur betyon ki paidaish ko rahmat samajhney ke bajaey zahmat samajhtey haien zarurat iss amer ki hai ke Jahezki rasam ke khelaf logon ki shoch ko tabdeel keya jaey iss lanat ke khelaf samaji, sayasi aur mazhabi sitah per mohim agaz keya jaey.

Iss zaman mein aise sakht qawaneen waza kiya jain jis se Jahez ke lain dain ko rokna momkin hosake. Iss zaman mein larke ka kirdar bohot aham hai. Agar her larka apni shadi ke waqt yeh keh de ke usey Jahez ke naam per larki walon se kuch nahien chaye to iss rasam ke khatme ki umeed ki ja sakti hai. Dusrey larke ke ghar walon ko bhi iss bat ka ihsas kerna parey ga ke agar ajj woh apne larke ki shadi mein Jahez lene se inkar ker dein to kal unki behan betiyan bhi asani se apne apne gharon ki ho jein gi. Waise bhi hosh ruba manhgai ke iss bad tareen daur mein jetni jald hosake mein “Jahez Ki Lanat” jaise masharti nasoor se chutkara hasil ker lena chahiye. Iss mein humari aur hamare mashre ki bhalai hai.

Abida Perveen Alhaj Muhammad Siddiqui Ismail Exersice Tips

 

More Links

Retirement Ki Tayari

Husn e Akhlaq

Hakeem Saeed

Importance of Water

Aurat Par Tashadud

Aurat Ki Kamzori

Mazloom Aurat

Nikah In Islam

 

Copy Right 2012-2013 www.Meriduniya11.com Contact Us