Header
Home> Articles  

 

 

 

 

 

 

Importance of Water

Water is gift of Allah. Water is very important in our daily life. Without drinking water we are not live. Water is very essential in life for everyone. We should drink pure water. In Pakistan many Companies makes Mineral Water with the chemicals for pure water. It has use calcium, potassium, magnesium etc. Water is very useful for Skin and kidneys disorders. We should use Boil water, we can do boil water in our homes. In this page, you will read an article about importance of water in our walk of life in Urdu.

Impotance of water image

Water Benefits In Urdu

Pani k Faide In Urdu

Jis tarha aap ka mobile phone charges ke bina kaam nahi karta aur Light ki masnoaat bagher tawanai ke nakara rehti hain, isi tarha aap ka Jism water ke bina sehatmand nahi reh sakta. Yeh goya jism ka eindhan hai jo is ki machinery ko ba aehsan o khobi chalata hai aur fitrat ne ise jism ke mukammal nizam ki durustegi aur behtar karkardegi ke liye banaya hai. Pani (Water) peena aur saaf suthra pani peena azhad zaroori hai. Magar masla yeh hai ke deegar maholyati aalodgiyon ki tarha shaffaf pani bhi muyassar aana har kisi ke bas mein nahi. Pani (Water) se lagne wali bimariyon ka barha jana, is gher shaffaf pani ki badaulat hai. Khas kar bachon mein Gastro, Ishaal, badhazmi aur pait ki deegar bemariyon ka sabab saaf pani na pina hai.

Aaj kal mulk bhar mein mukhtalif ashkal ki Bottles mein mineral water bik raha hai. Har area ki street mein is anwaa o iqsaam ke pani ke Containers se ladi hui nazar aati hain. Goya saaf pani ke naam par ki jane wali tijarat roz afzon barhti ja rahi hai. Is pani ki qeemat maloom ki jae to 30 rupees se shuru ho kar 80 rupees tak batai jati hai. Mukhtalif names aur mukhtalif sakht ki bottles mein boring ke is pani ko mineral water bata kar becha jata hai.

Country mein chand khas sanatein water ko chemical ki changing ke sath saaf kar ke muhayya karti hain. Is pani mein calcium, magnesium, potassium aur chand deegar ajzaa shamil kiye jate hain. Tahum pani ki yeh shakal bilashuba sehat bakhsh hoti hai. Lekin is ki qeemat aam aadmi ki pohanch se bahar hoti hai. Yeh Companies bachat ki mukhtalif schemes aur packages bhi mutarif karwati hain. Lekin hum sab jante hain ke is mehange water ko aala tabqa he khareed pata hai. Agar Doctor Winter ke mausam mein 10 se 12 Glass pani din bhar mein peene ko bolen to aik liter ki bottle se yeh maqsad pora hona mumkin nahi.

Aam tabqe ki dastaras mein sirf Tab ka pani hai, ise Boil karne ki simple si tarkeeb hoti hai to kyun na khatoon apni madad aap ke tehat apne pore ghar walon ke liye pani boil kar ke istemal karen. Khas kar barish ke mausam mein barish ka thehra hua pani jo yaqinan gadla hota hai. Yeh saaf pani aur sewerage lines mein shamil ho jata hai. Is mausam mein typhoid, measles, hepatitis B, gastro aur zehar khorani ki shikayat barh jati hai.

Hum sab ke liye yeh janna zaroori hai ke jism ke wazan ka 60 % hissa pani par mushtamil hota hai. Yeh jism ke har azoo ki sehatmandi ke liye aeham tareen juzoo hai aur qudrati tonic bhi hai, jise beauty drink kaha jae to ghalat na hoga. Tahum agar pani saaf na ho to bajae fawaiyd ke nuqsanat zahir hote hain. Jin mein Diarrhea ki bemari top par hai. Yeh jism ke aeham minerals ajzaa ko waste kar deti hai. Pregnant khuwateen aur naujawan bachiyon ke liye saaf pani peena behad zaroori hai. Saaf pani jism ke fuzlaat ko kharij karne mein numaya aur muassir hota hai. Jab ke gadla pani aanton mein sozish aur infection karta hai. Yeh kamar dard ka baaiys hota hai aur bilwasat taur par Kidneys ke afaal ko bigharta hai.

Mausam e barsaat mein water se peyda hone wali bimariyon se bachao ke liye simple andaaz mein 20 se 30 minute tak pani boil karne se 99 % germs ka khatma ho jata hai. Yeh nihayat easy way hai jis ke bad hum beshtar bemariyon se mehfooz reh sakte hain. Chlorine ki thori si miqdar se water tank ki safai ke bad shamil kar li jae to Tab se aane wala pani mehfooz ho sakta hai. Pani saaf karne ki khas alkhas medicines jo Aquatap aur dosre names se dastoyab hoti hain. Inhe pine ke saaf pani ki safai ke liye istemal kiya jata hai. Lekin aesi koi hifazati tadabeer karne se pehle experts se advice lena zaroori hai aur dosri aeham baat jo yaad rakhne ki hai ke humesha medicines jani mani Pharmacies se khareden.

Boil hue pani se tea banae. Isi saaf pani se khana pakaen aur peen eke liye isi saaf pani se glass ko dho len, kabhi is aehtiyat ko pani ka be jaa tasaruf na khayal karen aur na he wasaiyl ka ziyaa’n, kyun ke pani se tea banana ho ya glass dhona ho itna he muzir hai. Kabhi tea ke pani ko 30 minute tak to boil nahi kiya jata aur glass bhi is tarha nahi wash kiya jata. Isi tarha khana nikalne ke utensils, Plates, cutlery etc ko bhi isi boil pani se wash karna chahiye aur phir istemal karna chahiye. Isi tarha barsaat ke dinon mein ghar se bahar khana khane se parhez karna behtar hai, khas kar road ke kinare aabad khano ki jagahon par khana khate hue mohtaat rahen, yeh aap ke aur aap ke ghar walon ki sehat ke liye he faidemand sabit hoga.

Importance of Water In Urdu

Pani Ki Ahmiyat In Urdu

Allah taala sirf insaan, iss kainaat aur tamam makhlookat ka hi khaliq nahin hai, balkay insanoon ki zaroauriat bhi iss ki paida karda hain. Iss ka taluq insaan ka sath mehaz zabtay ke hakim hi ka nahi , balkay rehmat karne wala, inam dena wala aur ehsan karne wale ke bhi hai. Allah taala ne apni rehmat, apni neymatoon aur ehsaan ka mazahir per ghoaur-o-fikar ki dawat "Quran Hakeem" mein mutaded muqamaat per aur mukhtalif perayon mein diya hai. Irshad-e-bari taala hai. “Zameen Allah Taala ki nishanion se bhari pari hai aur door kyun jao tum khod apna upper ghoaur karo, tum in roshan haqaiq se kis tarah sirf nazar karo gay”.nahi atein”. (Luqman: 20)

Khaliqe kainaat ki in tamam nasihatoon mein say jis neymat ka quran pak mein bar bar zikar hai, woh (water) Pani ki naimat hai, jis per insanoon ki hi nahi tamam jandaroon ki zindagi ka daromadar aur inehsar hai. Zindagi ki baqa ka is saman ka hasool ka sab se aham aur barda zariya barish hai. Barish ko Allah taalah ne bandoon ke haq mein apni rehmat qarar diya hai. yeh hai ka barish ka zaria se jo khushhali hoti hai woh kisi aik fard ka lia nahi, balka paura muashra ka lia hoti hai aur is ka lia zaroauri hai ka sara muashra aisi zindagi guzara jo Allah ka ahkam ka mutabiq aur isa khush karma wali ho taka muashra majmoi toaur per Allah taalah ka inamat wa ahsanat ka mustahiq ho saka aur barish sari abadi ka lia baja toaur per barana rehmat sabit ho. Allah taala ko khush karma wali baton mein say aik yeh bhi hai ka is ki naimatoon ki qadar ki jae.

1. Is naimat ka mayasar anay per izhar tashakur ke liye (pani) water inkisari ke sath baith ker piya jaye.

2. Pani (water) penay se qabal Allah ka naam liya jaye aur penay ke baad is farhat baksh aur hayat afreen shai ka hasil honay per Allah ka shukar ada kiya jaye.

App (SAWA) ne pani (water) ke jo adab batain hain woh yeh hain kay pani (water) ko dakh ker peya jae , kisi baray bartan say mun laga ker pani (water) nay piya jae, pani (water) ruk ruk ker is tarah piya jae kay pani ka bertan mein saans na chaur na paray. App (SAWA) nay water ka zakhiroon mein ya in ka qareeb ghalazat karma say mana farmaya hay aur aam istafada ka water ko rook dena ya farokht karma najaeez qarar diya hai. Water zaya karna say mana farmaya hai aur water ka istimal mein kifayat shuari ka hokum diya hai. Ap (SAWA) nay farmaya ka khuwa tum behti nehar ka kinara betha ho tab bhi water ka istimal mein israf say perhaiz karo.

Ahkam e elahi aur irshad-e-nabvi (SAWA) ko samajh lena kay bad ghoaur farmaia kay hamaray amal kiya hai aur tarz-e-amal kiya hai? Kahein ya ham pani (water) jesi dolat ki isi tarah hifazat kartay hain, jis tarah doosri dolaton ko bacha ker rakhtay hain? Halan kay akser doosri dolatan agar myasar nah on tab bhi admi zinda reh sakta hai aur rehta hai, lakin pani (water) aisi cheez hai jis kay baghar zindagi mohaal hai. pani (water) hi zindagi hai. pani (water) kay bagher koi zee nafs teen din say zyada jism-o-jaan ka rishta barqarar nahi rakh sakta. Teen din bhi atba nay zyada say zyada had rakhi hai, lekin pani (water) kay bagheir insan per jo kutch guzarti hai us ka kutch andaza roza daroon ko hojata hai.

Pani (water) sir chashma hayat hai, pani (water) zariya sehat hai, water wasila quwat hai. Hayat water hi say peda hoi hai aur water hi tazgi wa tawanai ka minba hai insan ka jism ka beshtar hissa water hi per mushtamil hai aur zindagi ka afaal water ka bagher jari nahi reh sakta. Ghiza ka beshter hissa bhi water hi hai. Baaz shaded aur mohlik surtoon mein zindagi bachana ka wahid zariya jism mein pani pohnchana hai. Is pani (water) ko hum kis bedardi se phaktay hain, kis be niyazi se zaya karta hain aur kis ba aetnai se bahate hain, is ka bayan karna ki zarorat nahi. Ye her shaksh ka rozana ka mushahida hai, balkay amal hai, lekin jab pani mayasar nahi ata to aik aik qatre ka liye taraste hain aur takleef uthata han. Agar ghor karain to is takleef ka paida karna mein khud hamara bhi hissa hai.

Aik sheri ki hasiat say ham agar apni zima dariyan samjhan to aisi takaleef peda no hon. Azad mulk ka sheri bohat say masail khud hal karleta han. Zimma dar sherion per mushtamil muashra sakoon-o-faraghat ki dolat say mala maal hota hai. Aaj duniya jin nazuk tareen masael say dochar hai, un mein pina ka water ki farahemi bhi shamil hai. Sharon aur qasboon mein saaf pani (water) ka mayasar ana rooz barooz mushkil hota jaraha hai. Is say nae nae masail janam lay raha han. Khusan tesri duniya ka mumalik ko qillat khurak ka elawa jis eham masla ka samna hai woh shehri aur dehi abadion ko saf water ki farahmi ka masla hai. Is lia ham ko aqwam mutehda ka shukar guzar hona chaia ka jis nay pichli sadi ki athwin dihai ko ishra aab qarar diya tha 1981 – 1990 ka das barsoon ko is zaroauri maqsad ka lia waqf karka sahih simt mein aik qadam uthaya gaya hai jis ko danish mandana kaha jasakta hai. Is iqdam ka bad tawaqa thi ka duniya ka beshter mulkon ki hukumatan apna masarif per nazar sani karan gi aur is ka natija mein amli iqdamat wa intazamat ka aghaz hoga.

Aqwam ki satah per mansoba bandi aur intizamat ka sath yeh bhi zaroauri hai ka infiradi toaur per is nazuk suratehal ka sanjedgi ka sath jaeza liya jae aur water ki qilat ka pasha nazar is ka hasool aur istamal mein jitna tardid aur jitna tadbar ikhtiyar kiya jasakta hai kiya jae. Jitni kifayat aur ahteyat mumkin hai is say guraiz nay kiya jae. Agr aap nay ail loota water bhi zaya hona say bachaya to yeh samjhiya apna faida ka sath sath qaum aur insaniyat ki bhi khidmat ki. Abadi ki kasrat, dehaton say sheron ki taraf abadi ki muntaqli aur water ki barhti howi zarauriat say jo mushkilat peda haurahi han aur is say zyada aenda peda hona ka imkan hai, is ko zehan mein rakhia aur water ka aik aik qatra ko aabe-hayat samjhia.

Aik musalman ki hasiat say to yeh hamara deni fareeza hai ka hadi barhaq (SAWA) ki hidayat per amal karan aur Allah ki is naimat ki naqadri nay karan. Israf say hamain mana kiya gaya hai. Israf jis chiz ka bhi ho baura hai. Water jesi chez ka israf to kisi tarah bhi gawara nahi hona chaia. Is masla ki nazakat agar pash-e-nazar raha to ham water ka aik qatra bhi beja saraf nay karan. Safai hamara eman ka juz h. water ko saf rakhna ka lia jo tadabir bhi ham ikhtiyar karsakta han, un say guraiz nahi karna chia. Yad rakhain, Pani (water) ko zaya hona say bachana humari zaraurat hai aur humara faraz bhi hai. Saaf Pani (water) lazman hayat bhi hai aur taqazai eman bhi.

 

 

More Links

 

Copy Right 2012-2014 www.Meriduniya11.com Contact Us