Header
Home > Article > Husn e Akhlaq

 

 

 

 

Husn-e-Akhlaq

Husn e Akhlaq Image

Husn-e-Akhlaq is the Urdu word. which means, what your attitute and behaviour with other person. No one like to proudy people. In this page you read an article about Husn-e- Akhlaq in Roman Urdu.

Husn-e-Akhlaq In Urdu

Husn-e-akhlaq achay rawaya aur achi achi adat ko kaha jata hai. Issi tareh bora akhlaq boray rawaye aur buray adaat ko kaha jata hai. Humara wajood do haisiaton mein taqseem hai. Aik to humara tabia haiwani wajood aur dosra hamara akhlaqi wajood. Haiwani hasiyat say hum par bhi wahi qawaneen nafiz hotay hain. Jo degar hawanat par hotay hain. yani humain bhi bhook lagti hai, neend ka ghalba hota hai aur dosri tamaam tar zarooriyat lahaq hoti hain balkay humari zarooriyat to degar haiwanaat say ziada hain. Humay to rehnay kay lia alishan maqanaat chahiye, pehannay kay lia umda say umda labaas chahiye yani hamari bunyadi haiwani zarooriat degar haiwanaat say bohot ziada bari hoye hai.

Ye hamara akhlaq wajood hi hai jo hum ko degar jandaron say alag karta hai, aur yahi woh hukumran taqt hai jiss say inshan apnay jisim par bhi hukumrani karta hai aur kharji awamil par bhi iss ki hukumrani qayeem hoti hai. Inshan ki kamyabi aur naqami ka aur iss kay urooj-o-zawal ka inhasar iss ki akhlaqi quat par hai. Goya hum jiss cheez ki waja say insan ko inshan kehtay hain woh iss ka akhlaqi wajood hai. Youn to woh bhi degar jandaron ki terha jism rakhta hai ghar banata hai baal bhay rakhta hai aur inn manun mein woh Aik muwasrati haiwan hi hai lakin iss ki haqiqi hasiyat zameen par Allah kay nayeb ki, Khalifa tul Arz ki hai aur ye iss akhtayar ki waja say hai. Jo Allah nay ussay tauz kiya hai kay woh nafarmani bhi karsakta hai. Ab chun kay iss ko bhalaye aur boraye karnay ki azaadi bhaqshi hai iss lia Allah Taa’ala nay iss kay samnay dono rastay wazai kardia hai. Aur ye bhi batadia hai kay Aik rawaya tumhain ubdi kamyabi ki taraf layjaye ga aur dosra rawaya tumharay lia abdi nakami ka zimaydar hoga. Issi say achay akhlaq ki ehmiat wazay hoye hain. Asal johar inshaniyat acha akhlaq hai.

Na sirf inshan balkay Qaumo kay urooj woh zawal ka inhasar bhi akhlaq quat par hi hai. Jab tak koye qaum alla akhlaqi asoolon par kamil rehti hai iss ka urooj hota rehta hai aur jub woh akhlaqi burayun mein mubtala hojati hai to pasti mein ja girti hai yahaan tak kay bilkul hi mitjati hai ya zaleel o khuwar ho kar ghulami ki halat mein zinda rehti hai.Quran Pak mein qadeem qaumo ka zikar hai, in ki bhi Allah Taa’la nay yahi sunnat bataye hai kay jabtaq akhlaqi khubiyaan burayun par ghalib rehti hain wo qaum zinda rehti hai aur jab burayan ghalib ajati hain to Allah Taa’la iss qaum ko mita dayta hai.ya dosri qaumo ko iss par musalat kardayta hai. Lehaza aam inshani ikhlaq ki parwarish karnay say koye bhi qaum kamyabi pasakti hai.

Aam Inshani Akhlaq

Aam inshani akhlaq say murad ye hai kay duniya mein jo shakh bhi kaamyab zindagi guzarna chahay iss kay lia akhlaqi usoolon par amal karna lazim hai khuwa woh momin ya kafir, naek ho ya bad iss kay lia zarori hai kay wo sahista adaat ka malik ho, bahadur aur jarai ho, diyanat daar ho aala inshani sifaat ka maliq ho maslan sabar-o-tahamul, zabty naffs, khudari, chaye, pass-e-ahad, atadaal, istaqamat waghara. Sath hi dosron ka dil muhnay aur unkay dil mein jaga bananay ki salahiyat rakhta ho iss tarha ki sifaat jis shakh mein hogi woh aala aushaf ka maliq samjha jaye ga. Buzdil, kamzoor, kamzarf inshan duniya mein kabhi kamyaab zindagi nahi ghuzar sakta.

Islami Akhlaq

Islami ikhlaq aam insani ikhlaq say koi alag chiz nahi hai balkay wo islami ikhlaq ki takmil karta hai Islami ikhlaq mein eman ba Allah -o- eman bila akhirat jari aur sari hota hai .islami ikhlaq mein zidagi ka aik maqsad motaiyan hota hai aur woh raza-e- ilahi jo kay tamam ikhlaqi khubio ko sahi raha par laga data hai. Iss ki misaal Nabi S.A.W kay zamanay say dain tou , ye baat asani say samajh mein ajaay gi. Islam say qabal kay zamanay mein bhi arrab qom mein kai aala ikhlaqi safasat thin woh bahador aur shoja thay, mehman nawaz aur fiyaz thay ,haq go aur jary thay magar ye ala safahat galat rahon mein sarf ho rahi thin islam nay inhayn ayk boland nasbol ayn ata kia tou yehi ala ikhlaqi safat aik bay missal qom ki tashkil mein mawon baniyn phalay inn ki bhadori, lot mar aur apnay malmein izafa karnay kay liay thi, Ab ye qowal Allah ki diho rah mein sarf honay lagi hai .phalay mehman nawazi ,wah wah apnay aur apnay shan aur shoukat izhar kay liay thi .Allah ki raza kay hoqom ka zarria band gai .

Islami Akhlaq ki 4 bunyadain hain
1.Iman
2. Islam
3.Taqwa
4. Ahsan

Aik ki masboti par hi dosri bonyad ka inhaysar hai yani agar eman mazbot naho tou islam yani soprdgi aur ataat ka sawal hi payda nahi hota aur ataat na ho tou taqwa na momkin hai aur taqwa kay bayghair ahsan ka tasawar hi nahi kia ja sakta eman ba Allah-o-eman ba ikhlaq yani khuda kay huzor jawab dahi ka bhar por ahsan hi ammal ki wo bonyad farham karta hai jis mein har kam Allah ki raza kay liay hota hai. Aur Allah ki raza kay husol ka jazba aur iss kay motabiq amal bhi ho kayfiat dil kay andar payda karta hai jis ka name taqwa hai.Yani har waqt khuda ka khof aur iss kay huzor jawab dehi ka ahsas aur insan apnay ammal ka har waqt mahasra karta hai kay aye woh Allah iss kay Rasol S.A.W ki ataat ka haq ada kar raha hai ya nahi.

Woh ye samagtay hoay zindagi gozaray kay ye dunya aik imtayhan gah hai jaha modhay aik aik lamhay ka hissab dayna hai. Is kay baad ahsan ka darga ata hai jis mein sirf faraiz ki anjam dayhi kafi nahi hoti balkay Allah taala ko khosh karnay kay liay zimaydarion aur faraiz say bhar kar nay ki koshish ki jati hai . Missal kay tor par borai ka badla borai say lanay ki ijazat hai magar ahsan ka takaza ye hai kay borai kay jawab mein bhalai ki jaay. In bonyadon par jab ikhlaq ki tamir hoi tou islami ikhlaq ka woh namona hmaray samnay aya jis ki doshman bhi tariff kiay baghayr na rayhsakay.Ab zara ikhlaq kay silsilay mein Quran-o-hadis ki talimat par nazar dalay tou bat waza hojaay gi . Surah Hum sajdah mein hai”naki aur badi yaqsa nahi hai tum badi ko kis naki say rafa karo jo bhaytrin ho tum dayhogay kay tumhari jis kay sathadwat pari hoi thi woh jigri dost bangaya .Ye sift nasib nahi hoti magar inn logon ko jo sabar kartay hai aur ye moqam hasil nahi hota magar inn logon ko jo baray nasib walay hai.sorah shora mein irshad hai “aur borai ka badla wasi hi borai hai phir jo koi maaf karday aur islaha karay iss ka ajar Allah kay zimay hai Allah zalimon ko passan nahi karta” .

 

 

 

More Links

Aurat Par Tashadud

Aurat Ki Kamzori

Mazloom Aurat

Saas Bahu Ka Rishta

Ustad Ka Kirdar

Nikah In Islam

Jahez Ki Lanat

Purani Film

Taj Mahal

Hakeem Saeed

 

Copy Right 2012-2013 www.Meriduniya11.com