Header
Home > Article >Hazrat Ali (R.A)

 

 

 

 

Hazrat Ali (R.A)

This article is about Hazrat Ali Karam Allah Wajhu. Hazrat Ali (A.S) is the cousin of our Holy Prophet Hazrat Muhammad (S.A.W). Hazrat Ali is the fourth Khalipha of Muslims. Hazrat Ali (R.A) was born on 13th Rajab ul Marjab . Hazrat Ali (A.R) was born on 600 AD in Qaba Tullah Sharif, Saudi Arabia. Hazrat Ali R.A was the son in law and the cousin of our Prophet Hazrat Muhammad Mustafa Sallalaho Alaehe Wasallam. Hazrat Ali R.A. was the first child who accepted the Islam. Hazrat Ali R.A. was the son of Abu Talib and Fatima bint Asad. Hazrat was a very brave soldier. Hazrat Ali (A.S) also was a great scholar; Huzoor Akram (S.A.W) said, “I am the city of knowledge and Ali is the main gate of City of knowledge. After death of Hazrat Muhammad (S.A.W), people come to Hazrat Ali (A.S) to solve their problems. Hazrat Ali (R.A) spends all of his life in the service of Islam. The Holy Shrine of Hazrat Ali R.A. is located in Najaf, Iraq. It is also known as the Mosque of Ali. Hazrat Ali R.A. was attacked while praying in the Mosque of Kufa, Iraq. Hazrat Ali (A.S) assassination on 21st Ramzan ul Mubarak 40 Hijri , January 31, 661 Masjid e Kufa in Fajar prayers. In this page you can see the information about Hazrat Ali Karam Allah o Wajha Life History In Urdu.

Hazrat Ali (R.A) Life History In Urdu

Hazrat Ali Image In Urdu

Hazrat Ali Karam Allah Wajhu ki shan ye hai ke wiladat “Kaaba” mein hoyi aur Shahadat “Masjid” mein payi. Yani jin ki zindagi ka mehwar agaz se anjam tak Allah ka ghar tha. Ap “Najeeb ul Tarfeen Hashmi” aur Nabi Akram (S.A.W) ke saghe chacha zad bhai han. Ap ki kuniyat “ Abul Hassan aur Abu Turaab” hai. Yun to Hazrat Ali ke bhohat sare alqab aur khitabat han magar ap ko apne naamon mein “Abu Turaab” bhohat ziyadah pasand tha, kyun ke ye laqab khud Sarkar e Do jhahn(S.A.W) ne Ap(A.S) ko ata kiya tha.

Ameer ul Mominein Hazrat Ali ul Murtuza Karam Allah Wajhu ki jumla khusosiyat ye bhi hai ke Ap(A.S) Nabi Akaram(S.A.W) ke saghe chacha zad bhai hone ke alawa “ Aqd e Mawakhat” mein bhi Ap(S.A.W) ke bhai han.Chunach Jama e Tarmizi mein Hazrat AbdulAllah bin Umar(R.A) bayan karty han ke jab Allah ke piyar Rasool Hozoor Khatam ul Ambiya (S.A.W) ne sahaba Akaram(R.A) ke darmiyan “Aqd e Mawakhat ” (bhai chara) qayam farmiya aur aik sahabi ko dosre sahabi ka deni aur Islami bhai bana deya to Hazrat Ali(A.S) nihayat abdedah ho kar barghah e Risalat maab(S.A.W) mein hazir hoye aur arz kiya Ya Rasool Allah(S.A.W) ap ne Aqd e Mawakhat mein tamam Sahaba Karam ko to aik dosre ka bhai bana deya hai lekin mujhe kisi ka bhai nahi banaya, main to yun hi rahe gaya. Rasool Akaram(S.A.W) nay nihayat peyar aur muhabat ke andaz mein farmaya: “Ae Ali! tum duniya aur akharat donon mein mere bhai ho. ( Jama e Tarmizi, Mushkawa tul masabhi)

Hazrat Ali Karam Allah Wajhu ki umar abhi siraf 10 saal thi, jab Hozoor Nabi Akram(S.A.W) ko Barghah e khudwandi se “Nabuwat o Risalat” ka Azeem ul Shan mansab ata kiya gaya. Chun ke Hazrat Ali (A.S) sheer khuwargi mein hi Hozoor Akram(S.A.W) ke sath rehte arahe the, is leye ap ko Islam ke mazhabi manazir sab se phele nazar aye. Chunacha aik roz Hozoor Syed e Alam (S.A.W) aur Um ul Mominein Hazrat Khadija tul Kubra(A.S) ko Allah ki abadat o bandage mein masrof dekha to toflana istejab ke sath pochne lage ke ap dono ye kia kar rahe han. Hozoor Nabi Akram(S.A.W) ne apne Nabowat o Risalat ke mansab e girami ki khabar di aur sath hi kufar o sharik ki muzamat kar ke Ap(A.S) ko toheed aur rasalat par iman lane ki dawat di. Muhqiqeen Ulma e Akram farmate han ke auraton mein sab se phele Um ul Mominein Hazrat Khdaja (A.S), mardon mein Hazrat Abu Bbkar Sidque(R.A), bachon mein Hazrat Ali ul Murtaza(A.S) aur ghulamon mein Hazrat Zed Bin Harisa(R.A) ne islam o iman ki azeem dolat hasil ki.

Muqam e Ilm o Fazal

Huzoor Sarkar e do Aalam(S.A.W) ki johar shanas nighahon ne Hazrat Ali(A.S) ki Khudadad qabiliyat o Istedad ka phele hi andzah kar leya tha uar Ap(A.S) ki ziban e Faiz e tajuman se Hazrat Ali (A.S) ko “Bab e Madina tul Ilm”( yane jumla ilm o Hikmat ke shaheer ka darwaza) ki sanad mil chuki thi chunacha Hazrat Ali(A.S) ke Muqam e ilm o fazal ke mutaliq Huzoor Imam ul Ambiya Hazrat Muhammad Mustufa (S.A.W) farmate han ke:” Main jumla ilm o hikmat ka shaheer hun aur Hazrat Ali(A.S) is ilm o hikmat ke shaeer ka markazi darwaza han. ” (Jama e Trmizi, Abne asakar, Mushkawa tul masabhi) Sahaba e Karam(R.A) mein ilm o hikamt , Faham o farasat aur faqahat o Saqahat ke atebar se Hazrat Ali ul Mutuza Karam Allah Wajhu ka maqam o martaba bhohat uncha aur buland tar ha. Hazrat Ali (A.S) ne Hozoor Nabi Kareem (S.A.W) se taqriban (586) Ahadis e Muqadisa riwayat ki han. Ap (A.S) ke ilmi nuqat, fatawa aur bhetareen faslon ka anmool majmua! Islami ulom ke khazanon ka qimti sarmaya hai.

Jan Nisari o Amanat Dari

Huzoor Syed e Alam (S.A.W) ne jab Allah Taala ke hukum ke mutabiq Makkah e Mukarama se Madina e Munawarah ki taraf hijrat karne ka irada farmaya to Ap(S.A.W) ne Hazrat Ali Karam Allah Wajhu ko bula kar farmaya:” Mujhe Allah Taala ki taraf se hijrat e Madine ka hukum ho chukka hai, aur main aj hi Madina e Tebah rawana ho jayon ga, lehaza tum mere bistar par meri sabz rang ki chadar oarh kar so jana aur subha qurash e Makkah ki sari amanatein aur wasiyatein jo mere pas rakhi hui han, wo un ke malikon ke supurd kar ke tum bhi Madina Munawarah chele ana.” Chunach Hazrat Ali (A.S) bagher kisi khuaf o khatar ke Hozoor e Aqdas (S.A.W) ke bistar e muubarak par so gaye. Subha hoi to Kufar e Makkah jo raat bhar napak o namurad irade ke sath kashana e Nabwi (S.A.W) ka bhohat sakhat musasrah kiye hoye the, barhena talwarein le kar kashana e Mustafawi(S.A.W) mein dakhil ho gaye lekin yahan akar dekha ke bistar e Nabwi (S.A.W) par Hozoor Akaram (S.A.W) ke bajaye ap ka aik jan nisar muat o hayat se be parwa ho kar so raha ha. Kufar e Makkah yun hi nakaam o namurad ho kar wapis chale gaye.

Hazart Ali murtuza(A.S) farmate han ke main raat bahr aram o sakun ke sath soya aue subha uth kar logon ki amanatein aur wasiyatein un ke malikon ke hawale kar den. Amanaton ki adayghi ki wajha se main 3 din Makkah e Muzimah mein raha aur phir main ne bhi Madine Munawarah ki taraf hijrat kar li. Ap(A.S) farmate han ke muat barhaq hai lekin aj ki raat mujhe muat nahi asakti kyun ke Sakar e Do Alam(S.A.W) ne farmaya ke Ali tum ye amanatein un ke malikon ko de kar phir Madine ki taraf hijrat karna aur jab tak ye amanatein supurd nahi ho jatin aur jab tak main Madina hijrat nahi kar leta us waqat tak muat nahi asakti kyun ke ye Sarkar e Do Alam(S.A.W) ka farman tha.

Huzoor Akram (S.A.W) Ki Husan e Kifalat

Hazrat Ali Karam Allah Wajhu, Huzoor Syed e Alam(S.A.W) ke baist se 10 saal phele paida hoye. Abu Talib(A.S) chunke kasir ul ayal aur mali o maashi tangi se nihayat pareshan the, is leye Hozoor Remat e Do Alam(S.A.W) ne apne mehbob chacha ki tang dasti aur muflisi se mutasir ho kar Hazrat Abbas(A.S) se farmaya ke hamyen is musibat o pareshan hali mein chacha ka hath batana chahiye. Chunach Hazrat Abbas(A.S) ne hasbe irshad e Nabwi (S.A.W) Hazrat Jafar e Tayar(A.S) ki kifalat ki zimedari le aur khud Hozoor Syed ul Koneen (S.A.W) ki nighah e intekhab ne Hazrat Ali (A.S) ko pasand farmaya. Chunacha aghaz e tufliyat hi se Hazrat Ali ul Murtuza(A.S) aftab e Nabuwat o Risalat Hozoor Khatam ul Anbiya (S.A.W) ki husan e tarbiyat aur aghush e parwarish mein rahe. Hazrat Ali (A.S) ne ayam e tofliyat hi se Hozoor Sarkar e Do Alam (S.A.W) ke daman e Rehmet o afiyat mein tarbiyat payi thi, is leye Ap (A.S) qudratan muhasin e ikhlaq aur husan e tarbiyat ke bhetareen namuna the.

Hazrat Ali(A.S) ko bachpan hi se darse nighahe nabuwat mein taleem o tarbiyat hasil karne ka zarya aur pur taqadus muqa mila, jis ka sisila hamesha qayam o dayam raha. Musnad e Imam e Ahmed (S.A.W) mein Ap (A.S) is par fakhar o naz karte hue farmate han ke:” Main razana subah ko mamulan Ap(S.A.W) ki khidmat e Iqdas mein hazir hoa karta tha aur taqarub ka ye darja mere ilawa kisi ko hasiul na tha.” CHunach is wajah se Ap(A.S) ko Hozoor Akram (S.A.W) ke tehriri kaam karne ki sadat bhi hasil thi. Katiban e Wahi mein Ap (A.S) ka isam e ghirami bhi sar e fehrist nazar ata ha. Anhazrat (S.A.W) ki tafraf se jo farameen o makatib lekhe jate the un mein baz Ap(A.S) ke dast e Mubarak ke lekhe hoye the, chunach “Sulahe Hudebiya” ka sulah namah Ap(A.S) ne hi lekha tha.

Himmat O Shujat Ke Pekar

Shah e Kheber Shakin Ameer ul Mominein Hazrat Ali ul Murtuza Karam Allah Wajhu ki bemisal himmat o shujat aur shuray e aafaq jurrat o bahaduri ki lazawal dastano ke sath sare arab o ajam mein Ap (A.S) ki quwat e bazu ke sikke bethe hoye the. Ap (A.S) ke roob o dabdabe se bare bare phlewnon ke dil kanp jate the. Jang e Taboq ke muaqe par Sarkar e Do Alam ne Ap (A.S) ko madina Munawarqa mein apna jannasheen muqarar farmaya tha, is leye is Ghazwah mein Ap (A.S) sharik naho sake, is ke alawa baqi tamam ghazwat aur sarya mein Ap (A.S) sharik hoye aur bari jan bazi ke sath Kofar o mushrikeen ka muqabla kiya aur bare bare bhahdoron aur shahsawaron ko apni maya naz aur shora e aafaq “ Zulfiqar e Haideri” se muat ke ghat utara.

Wisal e Ba Kamal

Ameer ul mominein Hazrat Ali ul Murtuza (A.S) ne aik taweel mudat tak ehle iman ke qulob o azhan ko Quran o Hadis aur ilm o irfan se faizyab farmaya. Islam ki rah mein akhari umar tak kufar se bar sare pekar rahe. Deen e Islam ki be missal tabligh aur khidmat ki. Har qadam par apne ma sabaq khulfa e Rashideen aue Sahabah Karam (A.S) ki har mumkin rahnumai ki. Har lamah Islam ki rah mien apna maal o muta aur tan man dhan quarban kiya aur bila akhir Islam ki khatir apni jan bhi qurban kar de.Hazrat ul Murtuza 21 Ramzan ul Mubarak ba rooz Juma tul Mubarak 40 Hijri ko Fajar ki namaz mein aan halat e Sajadah mein Shahdat ke azeem mansab o martabe par fayiz hoye.

 

 

Copy Right 2012-2013 www.Meriduniya11.com