Header
Home>> Articles

 

 

 

 

Hakeem Mohammad Saeed

Shaheed Hakeem Muhammad Saeed was born on 9 January 1920 in Dehli. He was a very great personality. Muhammad Saeed was an Honest Islamic Scholar. He was loving and kind-hearted person. He announced “Hamdard Nonehaal” for Children in 1953. Hakeem Sahab wrote 119 Books. Shaheed Hakeem Muhammad Saeed died on 17 October 1998. In this page, you will find information about Shaheed Hakeem Muhammad Saeed in Roman Urdu.

Qabil-e-Fakhar Zindagi Qabil-e-Rashk Maut

Hakeem Mohammad Saeed Photo

Shaheed Hakeem Mohammad Saeed kon thay? Woh bharpor insaan thay. Insaano se piyar karne walay insaan. Mashore aur baray aadmi hone ke bawajood insaano se kabhi door nahi hoye, balkay umer ke sath sath woh insaano se aur qarib ho gaye thay. Mere aik dost ke betay ki shadi thi. Mere dost ne mujh se kaha ke mein chahta hon ke Hakeem Muhammad Saeed Sahib mere betey ki shadi mein shirkat karain, tum kisi tarah un ko amada karna, meri izzat bard jaye gi. Mein ne kaha bohat mushkil hai. Hakeem Sahab ne kutch arsa se raat ki taqreebaat khusosan shadi biyah mein jana tark kardia hai aur woh sahi kehte hain ke shadi biyah ki taqreeb mein waqt bohat zaya hota hai.

Dost ne bohat zid ki to main ne Hakeem Muhammad Sahib se arz kiya. Hakeem Sahib ne farmaya: “Acha yeh baat hai to mein ajayon ga” aur waqaye Hakeem Sahib tashreef lay aaye. Hamare yahan shadiyon mein jis tarah waqt ko zayah kiya jata hai us se Hakeem Sahib ko behud takleef pohanchti thi, waqt ka zaya aur sadgi ka qatal, yeh dono chizein Hakeem Muhammad Sahib ke mizaj ke khilaf thein. Hakeem Sahib waqt ka jitna acha nazim thay us ki missal is daur mein mushkil se milay gi. Hakeem Muhammd Saeed ne waqt ko kabhi apne upper hawi nahein hone diya. Woh waqt per hamesha khud hawi rahe. Un ka 24 ghante hamare 24 ghanton ke muqabla mein kahein zaida tha. Who kam waqt mein itna kaam kerlata ke herat hoti thi. Kaam se kaam mein ne apni zindagi mein itna ziada kaam karne wala shakhs nahi dekha. Hamara mashra jis tezi se roba zawal hai, musbat qadran jis tarah be qadar ho rahi hain , us ka andaza hi sahib dil ko hoga. Hakeem Sahib ko yeh ahsas bari shiddat ke sath tha aur iss ki shiddat ne un ko shamsher ba niyam ker diya tha aur woh is ka izhar is karab se karne lagay tha ke in ka kherkhowa mutafakir tha.

Hakeem Mohammad Saeed Sahib ko matowaja kiya jata to fermate ke jo mein keh raha hon kya woh ghalat hai? Araz kiya jata ke aap 100 fisad durust keh rahe hain, lekin hamra mashra ab iss sach ko bardasht karne ki salahiyat kho chukka hai. Yeh sun ker kaha karte: “koyi to sach bola” lekin aik baat wazeh thi ke woh kish fard ya kisi jamaat ke mukhalif nahi thay. Un ki tankeedon ka koyi makhsoos hadaf nahi tha. Un ki soch ejtemayi thi aur un ka hadaf her ghalat kar hota tha aur in ka maqsad logon ko ghalat soch aur ghalat amal ke nataej se agah kerna tha. In ki is soch ko akser log samajhta tha, is liya bura nahi mante thay. Aam o khas ki akseriyat Hakeem Muhammad Saeed Sahib ki izzat kerti thi. Un se mohabbat kerti thi. Hakeem Sahib ka naara tha :-

Pakistan Se Mohabbat Karo - Pakistan Ki Tameer Karo

Waqay yeh hai ke Hakeem Saaed Sahib tameer hi ke liya bane thay. Hakeem Saeed ki sari zindagi tameer hi mein sarf hoyi. Un ki awaleen jado jehad tib-o-sehat ke maidan mein thi. In shoboon mein in ka karhae numaya se sab waqif hain. Hakeem Saeed Sahib ne dosre maidan apna liya taleem ka chuna. Hakeem Muhammad Saeed Pakistan ke taleemi tanazir se qatan mutmaeen nahi thay. Iss ki islah or taraqi un ki taqreer o tehreer ka mehwar ban gaye thi. School se lekar university tak ke qiyam is ka amli or bayyan sabot tha. Qadeem o jadeed dono qism ka medical college bhi Hakeem Sahib ne qaim kiya. Tabiyya college to Hakeem Sahib ne 1958 mein qaim kardiya tha or is ka iftitah Madar-e-Millat ke hatoon howa. Yeh college taqreeban nisf sadi mein hazarha mahir atbar paida kar chukka hai. Bachon se mohabbat Hakeem Sahib ki zindagi ka eham bab hai. Bachoon ke liya 1953 mein risala “Hamdard Nonehaal” jari kiya, jo aaj tak jari hai bachoon ke liye miyari or pakiza kitabain shaya karne ka shooba qaim kiya or khud bhi bachon ke liye kitabain likhna shuro kein. Bachon ke liye 44 safarnama likh dala. Yeh bhi record hai. Jis Mulk mein jate, wapsi per aik safarnama likh late. Bachon ke liya Hakeem Mohammad Saeed Sahib ki kitabon ki qul tadaad 119 hai. Safar ke doran hum jase sehal angaroon ke liya to mutala hi mushkil hi hojati hai, lekin Hakeem Saeed Sahib hasbe mamool subha 4 bajay uthte aur maiz per ajate. Main berooni mumalik ke safar mein bhi Hakeem Saeed ke sath raha hoon. Hakeem Sahib safar aur hijar dono mein fa’aal rehtay thay. Hakeem Sahib kaha kartay thay ke koyi shakhs jab tak apni zaat ki nafi na kare woh koyi kam nahi karsakta. Hakeem Sahib ne baray baray kaam kiye. Un ki maut bhi aik bara saniha hai nafi zaat ke zarya se asbaat zaat ka aik nadir namoona bhi. Haqiqat yeh hai ke shaheed Hakeem Muhammad Saeed ki zindagi bhi qabil-e-fakhar thi aur maut bhi qabil-e-rashk.

(Masood Ahmed Barkati)

 

 

More Links

Nikah In Islam

Importance of Water

Taj Mahal

Qurbani

Jahez Ki Lanat

Aurat Par Tashdud

Purani Film

Nizam e Taleem

Retirement Ki Tayari

Husn e Akhlaq

 

Copy Right 2012-2013 www.Meriduniya11.com