Header
Home> Articles >

 

 

  • More Links

Retirement Ki Tayari

Husn e Akhlaq

Hakeem Saeed

Importance of Water

Jahez Ki Lanat

Purani Film

Aurat Par Tashadud

Taj Mahal

Qurbani

 

 

 

Hajj

Hajj is the basic element of Islam. Hajj is compulsory for all Muslims one time in their lives. After performing Hajj all the Hajj is do Qurbani in the memory of Hazrat Ibahim (A.S) and Hazrat Ismail (A.S). Another important thing that Hajj is do is the Walk between the mountains of Safa and Mawar. There are many sayings of Hazrat Muhammad (S.A.W) about Hajj, Hazrat Muhammad (S.A.W) said that if a Muslim perform Hajj only for Allah from truthful heart than Allah will wash all the sins of the person as he was born today. In this page, you will read Hajj In Urdu, Hajj Ki Ahmiyat In Urdu, Hajj In Islam In Urdu and Roman Urdu.

Hajj Ki Ahmiyat In Urdu

Hajj In Islam In Urdu

Hajj Image

Hajj Islam ke bunyadi arkan mein se aik aham rukun hai, jo har sahib e istetaat musalman par zindagi mein aik bar farz hai. Is ebadat ki ahmiyat ka andaza is se lagaya ja sakta hai ke jab 9 Hijri mein Hajj ki farziyat ka elan howa to Nabi Akram (S.A.W) ne khallifa e awal Syedena Hazrat Abu Bakar Sidique (R.A) ko Amer e Hajj bana kar Ashaba e Karam Rizwan Ulallah Alehe Ajmain ko Hajj ke leye rawana farmaya aur 10 Hijri mein Nabi Akram (S.A.W) ne Hajj ka iradah farmaya to amomi tor par elan farmaya tak ke ziyadah se ziyadah log is mein sharik hon. App (S.A.W) ke hamrah aik lakh chobes hazar Ashaba e Karam ne Hajj ki sadat hasil ki. App (S.A.W) ne har marhale par aik aik rukun ko taleem ke andaz mein sikhaya. Aik aik fard ke sawalat ke jawabat marhamt farmaye aur bar bar is ki takid rakte rah eke mujhe se manasik e Hajj ache nadaz mein sekh lo, pata nahi mein agle saal tum mein mojud rahon ya na rahon.

Is Hajj ke moqe par takmel e deen ki aayat ke nazol ka Allah Taala ne elan farma kar “Aqeda e Khatam e Nabowat” ki toseq farmadi. Is ebadat ki ahmiyat ke pesh e nazar Allah Taala ne Quran e Karem ki mukhtalif aayat mein is ki ahmiyat ko ujagar kiya, jab ke Nabi Akram (S.A.W) ne mutadid ahadis mein Hajj ki fazilat aur Hajj ke enamat ka zikar kiya. Ebadat e Hajj ki ahmiyat ke pesh e nazar jab tak is ki fazilat dilon mein raskh nahi ho gi, is waqat tak is ki adaigi ke ahtemam ki fikr nahi ho gi, is leye aam tor par sab se phele is ki fazilat aur ahmiyat waze ki jati hai. Nabi Karem (S.A.W) ke Elan e Nabowat aur Hajj ki farziyat ki sorat e haal ye thi ke Betulallah ke arid gird 360 but nasb the. Har qabila apne apne buton ki apni marzi ke mutabiq ebadat karta tha. Khud sakhta Hajj ki rusomat banai hoi thein.

Toheed ka markaz but kade mein tabdel kiya howa tha. Nabi Karem (S.A.W) ne jab Allah ki wehdaniyat ka elan kiya to apnea yr begane sab App (S.A.W) ke dushman ho gaye aur akhir kar App (S.A.W) ko Madina Munawarah hijrat par majbor kar deya. 8 Hijri fatah e Makka ke bad App (S.A.W) ne Betuallah ko buton se pak kar deya aur App (S.A.W) aur Sahaba e Karam (R.A) ne Betuallah ka haq ada karte howe ebadat ko wo walehana manzar pesh kiya ke hidu jesi Islam dushman aur Nabi Karem (S.A.W) ko sab se ziyadah aziyatein dene wali quom bhi mutasir howe bagheir na reh saki aur is ne Islam qabol kar leya.

8 Hijri mein Syedena Hazrat Abu Bakar Sidique ki amarat mein pehla fariza e Hajj Sahaba e Karam (R.A) ne ada kiya. 9 Hijri mein Nabi Karem (S.A.W) ne khud Hajj ka firiza ada kiyaaur Sahaba e Karam (R.A) ko tamam manasik e Hajjki taleem di aur aik aik marhale ki fazilat o ahmiyat se agah kiya aur un ahkam e Hajj ki takmel Allah Taal ne deen ki takmel ka elan farma kar qayamat tak ke leye tehrif o tabdeli ka rasta rok deya. Quran e Kareem mein Hajj ki ahmiyat ka tazkara aur is ke uqat ka taiun is tarah kiya gay “Hajj (ka zamana)ke chand mahine hain jo (mashhor) malom hain (yakum Shawal se 10 ZilHajj tak) pas jo shakhs in ayam mein apne upar Hajj mukarar kar leye (Hajj ka ahram bandhe) to phir koi fahash baat jaiz nahi hai aur na hokum aduli durust hai aur na kisi kism ka jhaghra zeba hai (balke us ko chaheye ke har waqat neek kaam mein laga rahe) aur jo neek kaam karo ge Haq e Taal is ko janta hai (is leye in nekion ko badla bohat aata farmaye ga).”

Nabi Akhir uz Zaman Rehmat e Alam (S.A.W) ne darj zel ahadis mein Hajj ke fazail ka is andaz mein zikar farmaya hai:

“Hazrat Abu Hurera (R.A) arshad nakal farmate hain ke jo shakhs Allah Taala ke leye Hajj kare, is tarha ke is Hajj mein na koi fahash baat ho aur na fasq ho (hokum adoli) wo Hajj se esa wapis aata hai (gunhaon se pak ho kar) jesa us din tha jis din maa ke peat se peda howa tha.” (mashkawat e sharif)

Is hadis meinpheli shart Allah Taala ke leye Hajj karna hai yani koi aur neyat na ho. Is ki tashreh dosri hadis meinis tarah ayi hai ke qayamat ke qareb meri umat ke ameer log to Hajj mahez sear o tafreh ke irade se karein ge. Umat ka mutawasit tabqa tejarat ki gharaz se Hajj kare ga. Ulma aur degar shuhrat ki wajah se Hajj karein ge aur ghurba bhek mangne Hajj ke leye jaein ge. Aik hadis mein salateen aur badshahon ke bare mein aya hai ke wo sear o tafreh ke leye Hajj karein ge. (kinz ul amal)

Aik hadis mein hai ke Hazrat Umar e Azam (R.A) safa aur marwa ke darmiyan tashrif farma the ke aik jamat ayi aur BTeuallah Sharif ka tawaf kiya, safa o marwa ke darmiyan sai ki. Hazart Umar (R.A) ne un se daryaft kiya ke tum log kahan se aye ho? Unhon ne arz kiya ke Iraq se aye hain. Hazart Umar (R.A) ne daryaft kiya ke yahan kese ana howa? Unhon ne arz kiya ke Hajj ke leye. Hazart Umar (R.A) ne daryaft kiya ke kia koi aur gharz to nahi thi? Unhon ne arz kiya ke koi aur gharz nahi thi. Hazart Umar (R.A) ne farmaya ke arsar e no amal karo, tumhare phechle sare gunah maf ho choke.
Hazart Abu Hurera se riwayat hai ke aanhazrat (S.A.W) ne farmaya “neki wale Hajj ka badla Janat ke siwa kuch nahi.”

Umul Mominin Hazrat Aysha Sidiqa (R.A) se riwayat hai ke Nabi Karem (S.A.W) ne farmaya ke koi din esa nahi jis mein Allah Taal arfa ke din ziyadah se ziyadah bandon ko Jahanum se nijat deta ho. Is din Haq e Taala duniya ke qareeb hota hai aur fakhar ke tor par farmata hai, ye bande kia chahate hain.

 

 

 

 

 

Copy Right 2012-2014 www.Meriduniya11.com Contact Us