Header
Home>> Articles  

 

 

 

 

Global Winter Wonderland Festival

When the winter weather is come, so Mountains, Lands, Fields, and Rural areas are scroll with the coldness. Different areas are scroll with the snowfall and fog. Well here we are talking about the Global Winter Wonderland Festival in the Georgia the Estate of America, and the beautiful city and capital estate Atlanta of Georgia. This festival launched in 21st November 2013 and completed in 5th January 2014. The Global festival decorated in the ancient baseball park “ Turner Field ” daily at 5 PM to 11 PM. Millions of lights covered this 16 acres festival. The festival illuminated the famous iconic landmarks of the World, such as the statue of Martin Luther King Junior, Statue of Liberty, Chichan Itza, Great Pyramid of Giza, Pisa Tower of Italy, Eiffel Tower of Paris, Taj Mahal of India, Temple of Heaven of China, the statue of Abu Al Hol, Sydney Opera House of Australia, 4 sides Big Ben Clock Tower of London, Thames Tower Bridge of London, Golden Gate Bridge of San Francisco.

The 70 ft high structure cradling “ Globe of Earth ” was made of 20,000 recycled plastic bottles; Plastic bottles was the main material of this Globe. The “ Giant Dragon ” made of over 40,000 cups, plates and spoons. The “ Giant Christmas tree ” was ablaze with lights and towering over seven stories high. The National Flower of the World’s Countries was adorably represented in this “ International Garden ”. This festival offered the best and tasty dishes of American, Chinese, Japanese, Thai, Indian, Mexican, Vietnamese, Yunani and Arabian in the “ International Food Bazaar ”. In this page, you can see the information about “The Festival of Global Winter Wonderland”.

Wonderland Festival 2014

Mausam e sarma ki aamad ke sath he paharhon, meydano, khalyano, shehron aur dehat mein dandanati sard hawaon ka raaj ho jata hai aur jaise jaise mausam e sarma shiddat par aata hai. Kae ilaqon mein baraf ki safeyd chadar bich jati hai. To kahin dhund apne derey daal deti hai. Musafiron ko sar e sham he gharon ko lautne ki jaldi hoti hai. Har taraf khamoshi aur sannate ka door daura hota hai. Magar kuch afraad aise bhi hote hain jo mausam e sarma se lutf andoz hone ke nat nae tariqe aur bahane dhondte rehte hain. Kuch afraad ro infaradi hesiyat mein khandan ke humrah barfani wadiyon ke nazare dekhne nikal jate hain, to kuch khandan gharon mein simat kar mausam e sarma ke khushk mewajaat nosh kar ke he sardiyan guzaarne par iktefaa karte hain. Lekin is tamam tar soorat e haal mein kuch idarey bhi sardiyon ke ayyam ko yadgaar banane mein masroof amal rehte hain. Aisa he aik intehai dilkash aur jazib nazar meyla “ Global Winter Wonderland ” ke naam se America mein sajaya jata hai. Ben ul aqwami cultural exchange group ki janib se munaqid karda is meyle mein guzishta baras 5 lakh se zaiyd afraad ne shirkat ki thi.

China ke famous historical aur cultural occasions “ laalteno wale tehwar ” se mutasira ho kar takhleeq kiye jane wale is meyle ka bunyadi maqsad aik he maqam par duniya ke mukhtalif famous maqamat ki roshniyon se muzayyan ho bahu naqool bana kar shaiyqeen ko mehfooz karna hai. Is dauran na sirf baaz mashoor o maroof maqamat aur imarton ki naqlen in ki asal jisamat ke mutabiq tayyar ki jati hain. Bal ke in imarton ko rang barangi roshniyon se is tarah sajaya jata hai, ke imarten rang o nor ke seylab mein lipti nazar aati hain. Jhilmilati roshniyon se takhleeq karda baaz famous buildings ya maqamaat ki oonchai 50 se 100 ft ki bulandi tak hoti hai. In aqal ko heyran kar dene wali naqool ya models mein America ka Shehra Aafaq Mujassama azaadi, insane huqooq ke alam bardar Martin Luther King junior ka statue, Mexico ke jangalat mein maya tehzeeb se talluq rakhne wala qadeem shehar Chichan Itza ke buland o bala ehram aur mandir, lagbhag 850 years qadeem aik janib jhuka hua Italy ka shehar e afaaq Pisa Tower, sawa 100 saal qadeem Paris Eiffel Tower, Mohabbat ki lazawal nishani Taj Mahal, China ke shehar Beijing mein waqey tareekhi aur mazhabi ibadat gaah Temple of heaven, sarhe 4000 saal qadeem ehram Misar aur Abu Al Hol ka statue, Australia ki pehchan Sydney Opera House, London mein waqey 4 sides Big ben clock tower, London ke river thames tower bridge aur San Francisco ke golden gate bridge waghera ki roshni se jagmagati naqool qabil e zikar hain. Global winter wonderland meyle mein plastic ki istemal shuda 20,000 bottles se 70 ft buland duniya ka globe bhi qabil e deed hai. Jis ke samne tamseeli andaaz mein 5 bache aik dosre ka hath thamey hue 5 continentals ki numaiyndegi karte hue dekhe ja sakte hain. Isi globe se mutassil aik hisse mein duniya bhar ke ilaqai, qaumi aur mazhabi pholon ko bhi barqi qumqumon aur munfarid andaaz ki roshniyon ka rang de kar nadir andaaz mein manzar kasha ki gai hai. Is jagmag karte hisse ko “ ben ul aqwami garden ” ka naam diya gaya hai.

America ki riyasat Georgia ke khobsurat city aur riyasati darul hukomat Atlanta mein taqriban derh maah tak jari rehne wale is meyle ka aaghaz 21 November 2013 ko ho chukka hai. Jab ke meyla agle baras 5 january 2014 ko ikhtetam pazeer hua.

Geogia ki riyasati University se aik meel ke fasley par qadeem baseball park “ Turner Field ” mein sajaya jane wala global winter wonderland meyla shaiyqeen ko har roze sham 5 baje se raat 11 baje tak dawat ka nazara deta hai. Majmooi taur par 16 acre raqbey par phele hue “ Global winter wonderland festival ” mein jadeed andaaz mein roshniyon se saji buildings aur maqamat ki manzar kashi ke ilawa bhi tafreehat ki farawani hai. Jin mein raqs , music ke program, qadeem daur ki akkasi karte hue masnooi ilaqey, tamseel nigari, dastaan goi waghera shamil hain. Jab ke mukhtalif ilaqai saqafton ke zaroof, daskari aur isi noiyat ki deegar ashiya bhi sayyahon aur shiayqeen ki qadardani ki muntazir rehti hai. Meyle ka aik intehai aeham aur shiayqeen ka har dil azeez hissa “ International food market ” hai. Taqriban duniya ke tamam aeham khano ki dishes ki maujodgi ne is ben ul aqwami food bazaar ko meyle ke andar aik alehda meyla bana dia hai. Har waqt sayyahon ke hujoom mein ghira food bazaar American, Chinese, Japanese, Thai, Indian, Mexican, Vietnamese, Yunani aur Arabian dishes ki qadeem aur jaded anwaa o iqsaam ke kahno ki khushbo se mehakta rehta hai. Global winter wonderland festival ka aik aeham shoba “ Universal Circus ” ka bhi hai. Duniya bhar se muntakhib karda Gymnastic aur Circus ke tajurbakar experts ki janib se circus ke aise aise kartab dikhae jate hain ke hazreen saans lena bhool jate hain.
Festival ke dosre aeham shobon mein motor cycle ke kartab, buland o bala jhole, dogging car, slides aur deegar tafreehi saholiyat bhi shamil hain.

Duniya bhar ke mushtaq hunar mando ke hathon se takhleeq karda is meyle mein un ginat lights ki madad se aik aesi munawwar surang bhi banai gai hai, jis mein dakhil ho kar insaan khud ko kisi dosri duniya mein maujood mehsoos karta hai. Is ke ilawa bachon ke liye toffees aur ice-cream ke stall bhi lights ke hisaar mein ghire nazar aate hain. Jab ke meyle mein maujood wasee ul jasaa “ Dinosaurs ” par parhti roshniyan shaiyqeen ko danton taley ungliyan dabane par majboor kar deti hain.

Christmas ki munasbat se saat manzilon ke barabar buland o bala Christmas tree, Santa Claus aur rang barange sheeshon se bana “ Crystal Qilaa ” bhi meyle mein door se roshniyan bikherta nazar aata hai. Jab ke aik aur shaandar takhleeq 300 ft taqeel “ Dragon ” ki hai. Dilchasp baat yehhai ke funkaron ne dragon ki takhleeq mein khane ki plates, tea cups aur spoons use kiye hain. Jin ki tadad aik mohtat andaze ke mutabiq 40000 ke lagbhag hai. Takhleeq ke is andaz ne is dragon aur is ke sath bane chote chote mukhtalif dragons ko duniya bhar mein aik ajooba bana diya hai. In par jab raat ki siyahi mein roshni parhti hai, to aisa lagta hai ke jaise aik barhi si rishni ki lehar raqs kar rahi ho. Balkhati roshni se bane is dragon ke ilawa fishes, Peacock, Bear, tree, Birds, Boats waghera bhi festival ko baqaa nor banae rakhti hain. Intehai chabuk dasti aura ala darjey ki maharat se banae gaey yeh fun parey apne nazir ko mabhoot kar ke rakh dete hain.

International cultural exchange group ( ICEG ) ki rooh rawa’n Mohtarma “ Lolo Hinge ” ke mutabiq roshniyon ke is meyle mein har manzar aur pas manzar intehai dilfareb LED, lazer light aur florescent lights se sajaya jata hai. Ta ke fizaai aalodgi ka kisi bhi qisam ka shaiba na rahe. Wazeh rahe ke duniya mein deegar roshniyon ya lalteno se mansoob tehwaron ya meylon mein aise chiragh istemal kiyejate hain k jo fog peyda karte hain, lehaza “ Global winter wonderland festival ” ko aalodgi ke nuqsanaat se aagahi peyda karne ke hawale se bhi aeham maqam hasil hai.

Abida Perveen Taj Mehal Exersice Tips

 

 

 

 

More Links

Sadhu Bela Temple

CNN Heroes 2013

Venice City

Importance of Water

Jahez Ki Lanat

Purani Film

Aurat Par Tashadud

Qurbani

 

Copy Right 2012-2014 www.Meriduniya11.com Contact Us