Header
Home> Articles  

 

 

 

 

Dahi(Yogurt)

Yogurt (Dahi) is a slightly sour, thick liquid food made from milk.Yogurt (Dahi) making appears to have originated in the Middle East and central Asia, even though researchers have been unable to pin down the exact time fram for this development.Yogurt consumption in the U.S is about 4 times greater than it was in the 1980’s, an averages about 11 to 12 pounds per person per year.Nearly 4 billion pounds of yogurt are manufactured annually in the U.S each year. Yogurt is easily available in all milk shops. In Europe yogurt is available in milk and butter stores in nice packaging. Yogurt is full of many vitamins such as vitamin A ,C , F and E. It is very good for health, hair and skin. In summer many pepole use a drink that is made from yogurt called lassi. In this page you will read Yogurt Benefits (Dahi ke Faide ) In Urdu and Roman Hindi.

Yogurt In Urdu (Dahi In Urdu)

Dahi Image

Farsi zaban mein dahi ko maast, Arbi zaban mein laban aur turkey zaban mein yogorath kha jata hai chunke turk hi dahi ko Balgharistan ke raste Europe le gaye the is leye is ko Europe mein turak zaban hi ke naam hi se pokara jata hai yani yogurt, ahle Iran ka dawa ha ke sab se phele unhoein ne dahi banaya ha aur Iran se hi dahi Europe waghara phonch tha jo shaks America se dahi le kar aya tha us ka naam Semon Barosh ya Saimon Barash tha jo America ke mashoor siyasatdan Barnard Barosh ka bab tha. Doctar barash apne marizon ko hamesha dahi khane ki nasihat karta aur is ki khobiyan ginwata is ka beta apne mehmanon ko taza dahi bator coktail paesh kia karta tha. Irani hukma ka khena ha ke krostan ke ilaqe mein khana nami aik jagha par aik khas kesim ki boti ugti ha jis ko farsi zaban mein half maast, yane dahi ka pata khety han magar muqami log is ko yogorath arti ke naam se pokarte the.

Is boti ka ras ya powder bana kar dodh mein dalne se dahi ban jata ha jo behad sherein aur mufeed hota hai. Is kesim ke dahi ke khane se umar barhti hai, jism mein tawanai ati hai. Kaha jata hai ke dahi bohat qadem aur tarikhi ghiza hai aur is ka zikar injeel (Bibal) ke zamane se hai. America ke beshtar ilakon mein dahi aksar gharaon ki makhsos ghiza hai. Ise tarha Balghariya ke logon ki qomi ghiza dahi hai.

Franceciyon ne dahi ko aik aur naam deya hai jis ke mani han paydar aur zindagani dene wala dodh(sher e zindagi e jawedan) Europe mein dodh aur makhan ke store par dahi ke khushnuma packet bhi milte han, jab ke humare han bhi dahi daba pack mil jata hai, taham ghar mein jama hoa dahi badarja bhetar aur arzan rahta hai, humare ha dahi jamane ka sadyon se aik hi porana nuskha ha yani oble hoye neem garam dodh mein thora sa dahi dal deya jata hai jise kisi garam jaghah par achi tarha dhkan laga kar zara si bi hawa andar na jane paye rakh deya jata hai agar dahi khata ho to kisei moty suti kapre mein bandh kar uanchi jagha latka den ta ke is ka sara pani khukh ho jaye.

Yogurt Benefits In Urdu

Dahi Benefits In Urdu ( Dahi Ke Faide)

Afghanistan aur Blochistan dahi ki is shakal ko qrwot khte han aur is mein halka sa namak laga kar bare shoq se khte han. Dahi mein vitamin A, C, F aur E paye jate hain jo sehat k leye behad mufeed han. Is tarha dodh ke jumla fawaid is mein shamil ho jate han. Jis dahi ko cream nikale hoye dodh se banaya jata hai wo peyas ko taskin phonchta hai. Is mein vatamin b aur c ki miqdar ziyada pai jati hai. Cream nekale jane se ziyada zood hazam ho jata hai. Vitamin B ki mujodgi asab ko mazboti deti hai, meade aur jigar ko tawanai deti hai.

Dahi se balon ko dhone se chamak ati hai aur baal girna band ho jate han. Chehray aur hathon par milne se jild naram o mulaim rahti hai. Jild ke baz amraz khososan garmi danon ka ilaj hai. Dahi ki lassi ki talchat ko sar mein lagne se demag ko taqwiyat milti hai. Dahi qadre khowab awar bhi hai. Garmi ke musam mein dhop ki tamazat ki wajah se jild par dhabbe namudar ho jayein to dahi lagane se dor ho jate han. Garmi ke dinon mein khajorein dahi mein mila kar khane se jisam mein garmi nahi rehti. Dahi mein khera kat kar thora sa bhona hoa zira mila kar khayein to meade ko faida phonchta hai.

Sarad mizaj wale ya bozorgon ko dahi mein halki se pisi hoi kali mirach(black pepper) dal kar khana cheye is se khooni ya sade ishal ka hatmi ilaj kia jata hai. Qairien ke leye ye inkishaf herat ka baiys ho ga ke Iran aur Afghanistan mein lohe ye pather ka tokra khob saaf kar ke chohle mein dal deya jata ha aur jab khob dehak jaye to ise lassi mein dal dete han aur ishal ke mariz ko pila date han. Atbay garmiyon ke musam mein khas tor par aik glass thanda dodh ya lassi pene ki talkein karte han ta ke zehyarily madday jism se kharij ho jayein. Agar khamiri ghar mein mujod na ho to ate mein thora sa dahi milane se bhi khmir peda ho jata hai. Aam tor par gaon ke logon ki sehat ba nisbat sheher ke logon ke ziyada qabil e rashkh hoti hai.

Is ki bunyadi wajah khalis dodh aur dahi hai. Dahi aur lassi dono peyas bujhate han lekin in mein agar namak mila leya jaye to is ki afadiyat kam ho jati hai. Dahi aur lassi ka istemal blood presssure aur garam mizaj rakhne wale logon ke leye mufeed hai, lekin sard mizaj walon ko sust bana deta hai lekin is mein sard asar rakhne wale phal ya sabziyan maslan kaduo, khera, kakri ya aaloo bukhara shamil kar deya jaye to ye zarar rasan nahi hota. Dahi mein roghan e zetoon (olive oil), thora sa lemon ka ras aur gajar, khera, temater ka salad banayein jo protein se bharpor hota hai aur hazime ke leye bhetaren hai. Agar ap khane ke bad metha khane ke adi han aur ghar mein fori tor par methai, halwa ya koi methi cheez mujod nahi to khushke mein dahi aur chini mila kar khayein is se na sarif ap ki methas ki talab khatam hoti hai balke shakar dahi aur chawal ki ye kheer halki pholki aur zod hazam bhi hoti hai

 

Retirement Ki Tayari

Husn e Akhlaq

Hakeem Saeed

Importance of Water

Jahez Ki Lanat

Purani Film

Aurat Par Tasadud

 

 

Copy Right 2012-2014 www.Meriduniya11.com Contact Us