Header
Home> Articles  

 

 

 

 

Cure of Poverty

Islam is a complete ordinance life. Islam is religion of peace, justice and moderation. We can follow the best rules of moderation on Islamic Culture. Islam is single religion of the whole World that gives the excellent and golden rules in religious and mundane phase. Islam ordered us that spend your personal effects for your family and friends and the expressway of ALLAH TA’ALA, so Islam also emphasis and preach the adoption of moderation and temperance. We should spend, but not spend to the extent that becomes poor. The meaning of moderation is balance and control, avoid the eliminating excess. Moderation is one of the vital principal of Islam. ALLAH TA’ALA speaks about patience and moderation at different verses in the Holy QURAN. Moderation means follow the rules of Islam. In this page, you can see the information about Moderation, the cure of Poverty.

Tangdasti Ka Ilaj, Miana ravi

Islam aik mukammal zabta zindagi hai, Islami tarz e muaashraat mein khane peene aur kharch karne ke barey mein bhi behtareen usool bataye gaey hain. Islam he duniya ka wo wahid mazhab hai, jis ne apne manne walon ko deeni aur dunyawi har marhaley mein behtareen aur zareen usoolon se nawaza hai. Islam ne jahan humen apna maal apne aehl o ayaal aur ALLAH PAK ki raah mein kharch karne ka hukum diya hai. Wahin humen yeh bhi talqeen o takeed farmai hai ke maal ko kharch karne mein aetedaal o miana ravi ikhteyar ki jaey.

Chunache ALLAH KAREEM ne irshad farmaya, “ ke ae Emaan walon ALLAH PAK ke siye hue pak rizq mein se khao, piyo aur israaf ( Fazool kharchi ) na kro.” Aik aur jagah irshad farmaya, “ ke ae logon zameen ki un chezon mein se khao ko halal aur tayyab hain aur shetan ke qadmon ki pervi mat kro, beshak wo tumhara khula dushman hai.” ( Surah Al-Baqrah ).

Israaf yani fazool kharchi ka mafhoom yeh hai ke kharch karne mein had sharai se tajavuz kiya jaey. Jab ke is ka dosra mafhoom yeh hai ke najaiyz aur haram kamon mein kharch karna israaf o fazool kharchi kehlata hai. Miana ravi ka matlab yeh hai ke har chez mein darmiyana raasta ikhteyar karna, Islam humen fazool kharchi se mana farmata aur har kaam mein aetedaal ka raasta apnane ki talqeen fermata hai. Aqalmand insaan hamesha apni daulat dekh bhaal kar, soch samajh kar apni jaiyz zarorton par kharch karta hai. Apni zaroriyat pori karte waqt had se ziyada barh jana israaf o fazool kharchi kehlata hai, yani insaan namood o numaiysh ya izhaar gharoor o takabbur ya dosron se aage nikal jane ki daur mein apni jaiyz zaroriyat yani libaas aur rehaiysh waghera mein zarorat se ziyada kharch karne lagta hai. Islam mein yeh amal qatan na pasandeedaaur qabil ijtenaab hai.

Islam mein aik taraf to bakhal aur kanjoosi ko mamnoo qarar diya gaya hai to dosri taraf israaf o fazool kharchi se roka gaya hai. QURAN PAK mein israaf o tabzeer aur fazool kharchi ko shetani amal aur is ke karne walon ko shetan ka bhai qarar diya gaya hai.

ALLAH TA’ALA ka irshad hai, “ ke israaf aur be jaa kharch karne se bacho, bilashuba be jaa kharch karne wale shetan ke bhai hain aur shetan apne PARWARDIGAR ka barha he na shukra hai.” ( Surah Bani Israel ).

Islam ki taleem yeh hai ke insaan apni zaat aur apne aehl o ayaal ki jaiyz zaroriyat ko munasib tariqey se pora kare. Ghareeb rishtedaron, yateemon, miskeeno aur hajatmand musafiron par apna maal kharch kare aur apni daulat se un mehroom logon ka haq adaa kare, jo apni bunyadi zarortein bhi pori karne ke qabil nahi hain. Kuch log khud dari aur shram o haya ki wajah se ameer kabeer aur daulat mandon se sawal bhi nahi kar sakte. Aise logon ki madaa karne ka Islam ne humen dars diya hai aur Surah Furqan mein ALLAH PAK ke pasandeeda bandon ki yeh sift beyan ki gai hai ke jab wo kharch karte hain to bakhal o kanjoosi karte hain aur na he israaf o fazool kharchi karte hain. Bal ke miana ravi aur mutadil hote hain.

Chunache Irshad e Bari Ta’ala hai, “ ke aur yeh log ( Rehman ke pasandeeda Bande ) jab kharch karte hain to fazool kharchi nahi karte aur na tangi ikhteyar karte hain bal ke darmiyani raah ikhteyar karte hain.” ( Al-Furqan ) Hadees Pak mein hai ke Hazrat Anas Bin Malik R.A. riwayat karte hain. Ke RASOOL PUR NOOR S.A.W.W. ne farmaya ke miana ravi ikhteyar karne wala kabhi mohtaj nahi hota. Is mukhtasir si Hadees Pak mein ALLAH PAK ke RASOOL KAREEM S.A.W.W. ne humen nadari, ghurbat, iflaas aur tang dasti jaisi aafaton se bachne ka hal bata diya hai. Aitedal o miana ravi ki takeed ke muaamley mein Islam sab se munfarid aur numayan hai. Islam humen har amal mein miana ravi ki hidayat farmata hai. ALLAH PAK humen amal ki taufeeq ataa farmae. AAMEEN.

 

 

More Links

 

Copy Right 2012-2014 www.Meriduniya11.com Contact Us