Header
Home>  

 

 

 

 

CNN Heroes 2013

CNN Heroes of The Year

Aam Log Magar Bohat Khas

Here we are talking about the achievements of those great people, who served their life for the help of other people. A great and hats off tribute for the CNN Heroes of 2013.

Dale Beatty CNN Hero

Dale Beatty is a best CNN hero of 2013. He losted his legs in the Iraq war from the blast of priming landmine. After this accident, he returned his hometown area “Estate Valley”. Dale Beatty’s life changed forever. He is using the wheel chair. Dale Beatty made “Purple Heart Homes” for the help of dozen people in 2008. Dale Beatty builds and modifies homes for the disabled veterans.

Chad Pregracke CNN Hero

Chad Pregracke served his life for the work to clean the Mississippi River of America and the other Waterways. He pulled out 68,000 tires of cars, 218 washing machines, 19 tractors, 12 bath tubs, 4 pianos and 1,000 refrigerators from the River in the past 15 years. 70,000 volunteers joined him for the help in this work.

Dr George Bwelle

Dr George Bwelle and his team are providing free medical treatment for about 32,000 poor people in his native Cameron in the continent Africa. Doctor George watched his ill Father and unfortunately could not provide the hospital facility in his area. So that’s why he decided that he received the degree of MBBS and will treat the patients of his City.

Robin Emmons’s younger brother troubled the illness of schizophrenic disease, so she gave him fresh Fruits and Vegetables for the improvement of his health. That’s why Robin decided that, she was proliferated the Vegetables and Fruits for her area Charlotte for those people who lack access to healthy Fruits and Vegetables. From start to till she provided 26,000 ton Vegetables and Fruits.

Estella Pyfrom CNN

Estella Pyfrom belongs to the “ Palm Beach ” of Florida Estate. She was a shool teacher. When Estella Pyfrom was retired to her teaching profession, then she decided that she will provide the home education of Computer for those children, who cannot receive the education of Computer. She used her retirement money for the purchasing of the Bus. Estella Pyfrom bought a bus, and established with 17 Computers and the fast satellite internet system in this bus. In this page you can see the information about the achievements of CNN Heroes of 2013.

Zaraey iblaagh ka mutabbar nashriyati idara CNN 2007 se insaniyat ki khidmat ke aiteraaf mein “ CNN Heroes ” awards taqseem kar raha hai. Yeh award un logon ko diya jata hai, jinho ne tan tanha insaniyat ki bhalai aur falah ka beyrha uthaya aur apni ilaqai community par inehsar karte hue ise wasee mission mein tabdeel kar diya.aise be gharz aur belos afraad ko in ki karkardegi ki bunyad par aam logon ke votes se muntakhib kiya jata hai. Zer nazar tehreer mein “ Saal 2013 ka hero award ” hasil karne wali shakhsiyat Dale Beatty aur deegar 4 aeham shakhsiyat ka karnamon aur khidmaat ka ahaata kiya gaya hai. Jinhe “ CNN Heroes ” ka darja diya gaya hai.

Dale Beatty : Jangen inaniyat ke mathe par daagh ki tarah hoti hain. Aabad bastiyon ko tehas nehas kar dene wali yeh jangein na sirf in mein shareek kitne he afraad ki zindagiyon ka chiragh gul kar deti hain. Bal ke infaradi taur par aise hadsaat aur sanehon ka baiys bhi banti hain. Jin ke asraat sari umer rehte hain. Aise he aik hadsey ke shikar Dale Beatty bhi hue the. American Fauj ki janib se shumali Iraq mein khidmaat anjaam dete hue Dale Beatty ki doo tangein aik baroodi surang ke phatne se ghutne ke niche se reza reza ho gai thin. Dale Beatty ko mahaaz jang se wapis riyasat shumali Carolina mein in ke aabai ilaqey States Valley mein bhej diya gaya. Aik chaq o choband shakhs yakayak wheel chair ka mohtaj ho gaya, lekin inho ne himmat nahi haari aur apne aap ko masroof rakhne ke liye apne aabai ghar ki tameer mein masroof ho gaey. Masnooi tangon se aik jagah se dosri jagah kaam mein masroof ke dauran in ke aabai ilaqey ke logon ne mehsoos kiya ke Dale Beatty is nagahani aafat ka shikar hone ke bad pehle se ziyada mustaad ho gaey hain. Dale Beatty ke is rawaiyye ne ird gird ke logon ko targheeb di ke wo in ka hath bataey. Dost aehbaab ke is rawaiyye ke radd e amal mein inho ne faisla kiya ke wo khud ko sirf apne ghar ki tameer tak mehdood nahi rakhega, bal kea b in ki zindagi ka maqsad un tamam afraad ke liye gharon ki farahmi tha jo jangon ke dauran hadsey ka shikar hone ke baiys maali taur par bad haal the ya phir khud ko mehdood kar chuke the.

Is kaam mein in ka sath national guard se talluq rakhne wale in ke dost John Galina ne diya jo ke peshe ke lihaaz se mahir tamiraat the, lekin bataur razakaar driver shumali Iraq mein khidmaat anjaam de chuke the aur jis hadsey mein Dale Beatty ki dono tangon ke parakhche urh gaey the. John Galina us garhi ko chala rahe the aur sakht dimaghi chot ka shikar hue the. 2008 mein dono doston ne faisla kiya ke apni jama shuda raqoom aur imdadi raqoom ko aise gharon ki tameer mein istemal karenge. Jin mein ba aasani wheel chair ko harkat di ja sake. Inho ne apne is project ka naam Purple Heart Home rakha. Is project ke tehat Wetnaam ki jang se le kar haliya dino mein jang se mutasireen ke liye khusosi gharon mein tameer shamil hai, jo dauran jang kisi bhi hadsey ke baiys maazoor ho chuke hain aur wheel chair ke mohtaj hain. Dale Beatty ki janib se mazoori ke bawajood tan tanha shuru kiya jane wala yeh project ab 100 se ziyada fauji mazooron ke liye ghar tameer kar chukka hai. Gharon ki tameer ke silsile mein Dale Beatty ko attiyon aur razakaar hunarmando ki madad hasil hai. Dale Beatty ke azam aur tanha aik azeem kawish ke aiteraaf mein CNN ne inhe 2013 ka behtareen CNN Hero qarar diya hai.

Chad Pregracke : Chad Pregracke aik aise shakhs ka naam hai jis ne America ke Dariya Mississippi aur is ke aabi raston ki safai ka tan tanha berha uthaya. 15 baras qabal ibteda mein tanha kaam shuru karne wale Chad ke sath aaj 70,000 razakaron ki team hai. Inho ne apni team ke sath dariya ki safai ke dauran 68,000 se zaiyd cars ke tires, 218 washing machines, 19 tractor, 12 bath tub, 4 piano aur 1,000 ke qareeb refrigerator nikale hain. American riyasat Iliaynois ke ilaqey “ Molain ” mein parwan charne wale 48 sala Chad Pregracke jis maqam par rehaiysh pazeer the. River Mississippi is ke sath behta tha. Is hawale se in ka kehna hai ke inhe qudrati taur bachpan he se river mein behte kachre ko dekh kar koft hoti thi. Shayad yehi wajah hai ke inho ne dariya ki safai ke hawale se sab se pehle khud ko phir maqami aabadi ko raazi kiya. Agarcha us dauran inhe “ Dariya ka chunne wala ” pukara jata tha. Tahum inho ne himmat nahi haari aur aaj won a sirf apne kaam par fakhar karte hain, bal ke maqami log bhi Chad ke shana bashana hain. Wazeh rahe ke Chad ab yeh kaam aik gher munafa bakhsh tanzeem “ Livings Lands and Waters ” ke platform se kar rahe hain aur us dauran wo dariya ki safai ke sath sath dariya ke atraaf mein 10 lakh se zaiyd darakht bhi laga chuke hain aur maqami logon mein dariya mein safai ka shaoor peyda karne ke liye muzakrey aur Seminar bhi munaqid karte hain.

Doctor George Bwelle : Cameron ka shumar Continent Africa ke ghareeb tareen mumalik mein hota hai. Yahan har 5 mein se 2 fard ghurbat ki lakeer ke niche zindagi guzaar rahe hain. Aise mahaul mein tibbi sahuliyat ka fuqdan heyrat naak amar nahi hai. Lekin is masle ko hal karne ke liye jab George Bwelle ne iradah kiya to wo akele the. Lekin waqt guzaarne ke sath sath in ke razakaron ki aik bharpor team tayyar ho gai. 2002 mein jab in ke walid tibbi saholiyat ki adam farahmi ke baiys conspiracy mein inteqal kar gaey to George ne socha ke wo khud Doctor ki taleem hasil karenge aur phir village village mein ja kar patients ka ilaaj karenge. Chunache apne azaiym ko amli jamaa pehnate hue inho ne sab se pehle maqami college se Doctor ki degree hasil ki aur phir inho ne murh kar nahi dekha. Har haftey ki sham wo ghar se apni 30 rukni team ke sath jis mein mukhtalif areas ke medical ke students bhi hote hain. Dangerous jangal aur river ke kinare par waqeya dehaat mein nikal jate hain. Jahan mareez inka shiddat se intezar kar rahe hote hain. Doctor George ne ab tak 32,000 patients ka in ke areas mein ja kar ilaaj kar chuke hain. Wazeh rahe ke aik aisa mulk jahan 5,000 afraad par aik Doctor hai. Wahan Doctor George jaise afraad kisi neymat se kam nahi hain. Jo apni jaan ki parwah kiye bagher khud patients ke paas chal kar jate hain aur unhe sehat jaisi neymat qaiym rakhne mein madad dete hain.

Robin Emmons : 45 sala Robin apne bhai ki dimaghi bemari ke baiys aik aise mission par chal parhe, jis ki misaal khaal khaal milti hai. Robin ke mutabiq in ka chota bhai jo ke aik dimaghi aur nafsiyati bemari schizophrenic ka shikar tha. Jab har mumkin ilaaj ke bawajood wo sehatyaab na ho saka to Robin Emmons use dimaghi hospital se apne ghar le aaey. Usi dauran inho ne mehsoos kiya ke jab wo apne bemar bhai ko khane ke liye fresh vegetables and fruits dete hain to us dauran mein in ke bhai ke marz ki shiddat mein kami waqey hoti jati hai. Is tabdeeli ne Robin ki zindagi mein bhi tabdeeli peyda kar di. Robin ka khayal tha ke in ka ilaqa Charlotte jo siyah faam ghareeb afraad par mushtamil tha aur jahan lagbhag 70,000 afraad ghurbat ke mahaul mein zindagi guzaar rahe hain. Wo log maheeno taza phal ya sabziyan khane se mehroom rehte hain aur shayad yehi wajah hai ke in ke ilaqey mein bemariyon ka tanasub bhi bohat ziyada hota hai. Chunache Robin ne apne ghar ke chote se baghiche mein mukhtalif phal aur sabziyan ugane ka faisla kiya aur jab un ki ugaai gai choti si fasal tayyar ho gai, to inho ne yeh tamam sabziyan aur phal ghareeb awaam mein baant diye. Robin ke is amal ko dekhte hue ilaqey ke kuch samajhdaar logon ne Robin ka sath dene ki thani aur aaj Robin aur in ke 200 ke qareeb razakaar sathi 9 acre raqbey par fresh sabziyan aur fruits ugate hain aur ibteda se ab tak 26,000 ton fresh vegetables and fruits awaam mein baant chuke hain.

45 sala Robin Emmons ke is hawale se kehna hai ke wo aur in ki tanzeem Sow Much Good na sirf awaam mein sehat baant rahe hain, bal ke bemariyon ke khilaf qudrati tariqon se mazahmat ka shaoor bhi peyda kar rahi hain.

Estella Pyfrom : Florida estate ke ilaqey Palm Beach se talluq rakhne wali Estella Pyfrom aik school teacher thin. Estella jab retired hui to inho ne faisla kiya ke jo bache computer ki taleem computer na hone ke baiys hasil nahi kar pate hain, wo unhe computer ki taleem un ke areas mein ja kar dengi. Is maqsad ke liye inho ne retirement se milne wali raqam se aik bus kharedi. Us mein 17 computer rakhe. Unhe tez tar satellite internet se jorha aur taleem ke safar par ja nikle. Estella is waqt tak sekrhon bachon ko computer ki taleem un ke areas mein ja kar haftawari bunyadon par farahum kar chuki hain aur han Estella pyfrom ki janib se khalisatan ilmi bunyadon par farahum ki jane wali is computer taleem ke dauran facebook ke istemal se sakhti se mumanat hai. 76 sala Estella Pyfrom ki janib se tan tanha shuru kiye jane wale is mansobey ki pazeerai karte hue CNN ne inhe 2013 ka CNN hero qarar diya hai.

More Links

 

 

 

 

Copy Right 2012-2014 www.Meriduniya11.com Contact Us